Akhanda 2: Tandavam | ‘అఖండ 2: తాండవం’ విడుదల వాయిదా..!

అక్షరటుడే, వెబ్‌డెస్క్‌: Akhanda 2: Tandavam | ‘అఖండ 2: తాండవం’ సినిమా వాయిదా పడింది. ఈ చిత్రం డిసెంబరు 5న విడుదల కావాల్సి ఉండగా.. కొన్ని సాంకేతిక సమస్యల కారణంగా సినీ యూనిట్​ వాయిదా వేసింది.

మద్రాస్ హైకోర్టులో దాఖలైన కేసు నేపథ్యంలో విడుదల నిలిపివేసినట్లు స్పష్టం అవుతోంది. మళ్లీ సినిమా విడుదల తేదీని అధికారికంగా ప్రకటించలేదు. 

సీనియర్​ టాలివుడ్​ నటుడు బాలకృష్ణ, బోయపాటి కాంబినేషన్​లో తెరకెక్కిన అఖండ 2 విడుదలపై నిన్న రోజంతా ఉత్కంఠ నెలకొంది. మద్రాస్​ హైకోర్టు ఆదేశాల నేపథ్యంలో ఈ పరిస్థితి ఏర్పడింది.

Akhanda 2: Tandavam | చివరి వరకు ఉత్కంఠ..

మద్రాస్​ హైకోర్టు ఉత్తర్వుల నేపథ్యంలో అఖండ 2 ప్రీమియం షో వరకు విడుదలపై ఉత్కంఠ కొనసాగింది. చివరికి ప్రీమియం షో రద్దు చేయడంతో ఉత్కంఠకు తెరపడింది. అఖండ 2 చిత్రం విడుదలను వాయిదా వేస్తున్నట్లు నిర్మాణ సంస్థ 14 రీల్స్​ ప్లస్​ అధికారికంగా ప్రకటించింది.