అక్షరటుడే, వెబ్డెస్క్ : Bhadradri Kothagudem | దేశంలో గంజాయి, డ్రగ్స్ దందా ఆగడం లేదు. గంజాయి రవాణా, విక్రయిస్తున్న వారిని నిత్యం పోలీసులు అరెస్ట్ చేస్తున్నారు. పెద్ద ఎత్తున గంజాయి స్వాధీనం చేసుకుంటున్నారు. అయినా దందా మాత్రం ఆగడం లేదు.
తాజాగా పోలీసులు 200 కిలోల గంజాయి స్వాధీనం చేసుకున్నారు.ఆంధ్రలోని ఏజెన్సీ ప్రాంతాలు, ఒడిశాలో గంజాయి సాగు ఎక్కువగా జరుగుతుంది. ఇక్కడి నుంచి దేశంలోని వివిధ ప్రాంతాలకు స్మగ్లర్లు గంజాయి సరఫరా చేస్తున్నారు. హైదరాబాద్ (Hyderabad)కు సైతం గంజాయి ఎక్కువ శాతం ఆ ప్రాంతం నుంచే వస్తోంది. తాజాగా భద్రాద్రి కొత్తగూడెం జిల్లా సాయన్నపేట (Sayannapet) ఎక్స్ రోడ్డు వద్ద పోలీసుల తనిఖీలు నిర్వహించారు. ఓ కారు డ్రైవర్ పోలీసులను చూసి తప్పించుకునే ప్రయత్నం చేశాడు. ఈ క్రమంలో కారు చెట్టును ఢీకొంది. దీంతో పోలీసులు కారులో తనిఖీలు చేపట్టగా గంజాయి లభ్యం అయింది.
Bhadradri Kothagudem | రాజస్థాన్కు తరలిస్తుండగా..
కారు డిక్కీలో పోలీఉలు 100 గంజాయి ప్యాకెట్లు స్వాధీనం చేసుకున్నారు. 200 కిలోల గంజాయితో పాటు రెండు సెల్ఫోన్లు స్వాధీనం చేసుకున్నారు. డ్రైవర్ లాల్ సింఘ్ను అరెస్ట్ చేశారు. ఆంధ్రా-ఒడిశా సరిహద్దుల నుంచి రాజస్థాన్ (Rajasthan)కు తరలిస్తున్నట్లు గుర్తించారు. కాగా నిందితుడు లాల్సింగ్ గతంలో సైతం ఓ సారి అరెస్ట్ అయ్యాడు. అయినా తీరు మార్చుకోకుండా మళ్లీ గంజాయి రవాణా చేస్తూ దొరికిపోయాడు.
