అక్షరటుడే, వెబ్‌డెస్క్‌: US President Donald Trump : యూఎస్​ జాతీయ భద్రతా సలహాదారు మైక్‌ వాల్జ్‌(US National Security Advisor Mike Walz)పై వేటు పడింది. ఆయనను ఆ పదవి నుంచి అమెరికా అధ్యక్షుడు డొనాల్డ్ ట్రంప్ పక్కనపెట్టారు. వాల్జ్‌ స్థానంలో తాత్కాలిక భద్రతా సలహాదారుగా విదేశాంగశాఖ మంత్రి రుబియోను నియమిస్తున్నట్లు ట్రంప్‌ ప్రకటించారు. వాల్జ్​కు మరో పోస్టు ఆఫర్​ చేసి, ఐక్యరాజ్య సమితి రాయబారిగా పంపించారు.

యెమెన్‌పై మార్చి 15న దాడులకు సంబంధించిన సమాచారం ప్రకటించక ముందే సిగ్నల్‌లోని గ్రూప్‌చాట్‌ ద్వారా ఆ విషయం ఓ పాత్రికేయుడికి తెలిసింది. అధికారిక గ్రూప్‌లో పొరపాటున సదరు పాత్రికేయుడిని చేర్చినట్లు వాల్జ్‌ చెప్పుకొచ్చారు. దీనికి పూర్తి బాధ్యత తనదేనని ఒక ఇంటర్వ్యూలో కూడా పేర్కొన్నారు. ఈ నేపథ్యంలో వాల్జ్‌ను జాతీయ భద్రతా సలహాదారు పదవి నుంచి డోనాల్డ్ ట్రంప్ తొలగించారు.