అక్షరటుడే, హైదరాబాద్: HYDRAA | భాగ్యనగరం డెవలప్​మెంట్​ అంతా హైటెక్​ సిటీ కేంద్రంగా కొనసాగుతోంది. ఎవరు ఏ ప్రాంతంలో ఉన్నా.. దారులు మాత్రం అటువైపే అన్నచందంగా ఉన్నాయి.

ఈ క్రమంలోనే హైటెక్​ సిటీకి చుట్టు పక్కల ఉన్న ప్రాంతాలతోపాటు కూకట్​పల్లి, కేపీహెచ్​బీ, మియాపూర్​ అభివృద్ధి చెందాయి.

జేఎన్​టీయూ JNTU జనావాసాలు నిండిపోవడంతో నిజాంపేట్​, ప్రగతినగర్​, బాచుపల్లి, మల్లంపేట, సింహపురి కాలనీ వరకు ఆవాస ప్రాంతాలు విస్తరించాయి. ఇప్పుడు ఇవికూడా దాదాపు పూర్తిగా నిండిపోయాయి. నిత్యం వేల సంఖ్యలో వాహనాల రాకపోకలు సాగుతున్నాయి.

ఇదిలా ఉండగా… మేడ్చల్​ Medchal జిల్లా దుండిగల్ Dundigal​ మండలం ఓ సమస్య గత కొన్నేళ్లుగా స్థానికులను వెంటాడింది. ఔటర్​ రింగ్​ రోడ్డు Outer Ring Road ఎగ్జిట్​ నంబరు 4 నుంచి ప్రగతినగర్​ వెళ్లాలంటే.. ఓ పెద్ద టాస్క్ అనే చెప్పాలి. ఎందుకంటే వీరు మల్లంపేట Mallampet, బాచుపల్లి Bachupally క్రాస్​ రోడ్డు మీదుగా వెళ్లాల్సి వచ్చేది.

కాగా, ఇలా నిత్యం రద్దీతో వాహనదారులు అల్లాడేవారు. అయితే స్థానికంగా రెండు కాలనీల మధ్య ఓ అడ్డుగోడ ఉంది. దీనివల్ల మూడు కిలోమీటర్ల దారి కాస్త, 8 కిలోమీటర్లకు చేరింది. ఈ అడ్డుగోడ కూల్చివేస్తే.. సుమారు 25 వేల మంది ప్రయోజనం చేకూరుతుంది. ఎందుకంటే ఒకేసారి 5 కిలోమీటర్ల ప్రయాణం తగ్గుతుంది.

HYDRAA | హైడ్రాకు ఫిర్యాదు చేయడంతో..

ఈ అడ్డుగోడ విషయంలో మల్లంపేట్ నివాసితులు హైడ్రాకు ఫిర్యాదు చేశారు. ఆ గోడను తొలగిస్తే 40 ‌‌- 60 అడుగుల వెడల్పుగల రహదారి మళ్లీ వినియోగంలోకి వస్తుందని వివరించారు. ఈ మేరకు హైడ్రా అధికారులు ఈ ఫిర్యాదును పరిశీలించారు. ఇందులో దిమ్మతిరిగే విషయాలు వెలుగులోకి వచ్చాయి.

హైదరాబాద్ అర్బన్ డెవలప్​మెంట్​ అథారిటీ (హెచ్​యూడీఏ) Hyderabad Urban Development Authority (HIUDA) ఆమోదం తెలిపిన లేఅవుట్ ప్రకారం ఈ ప్రాంతం గేటెడ్ కమ్యూనిటీ కాదని నిర్ధారించారు.

కబ్జా చేసి, ఆక్రమించినట్లు తేలింది. రహదారులను అడ్డుకునేలా గోడలు నిర్మించకూడదని హెచ్ఎండీఏ HMDA నిబంధన 7లో స్పష్టంగా ఉంది.

ఈ మేరకు ఈ గోడను హైడ్రా కూల్చివేసింది. స్థానికుల ఆశ నెరవేరేలా రహదారిని పునరుద్ధరించింది. ఫలితంగా సుమారు 25 వేల మందికి ప్రయోజనం చేకూరింది.