అక్షరటుడే, న్యూఢిల్లీ: Pre Market Analysis గ్లోబల్ మార్కెట్లు(Global markets) లాభాల బాటలో పయనిస్తున్నాయి. గత సెషన్లో వాల్స్ట్రీట్ లాభాలతో ముగియగా.. సోమవారం ఉదయం ఆసియా మార్కెట్లు(Asian markets) జోష్లో ఉన్నాయి.
గత సెషన్లో యూరోపియన్ మార్కెట్లు(European markets) నష్టాలతో ముగిశాయి. యూఎస్ మార్కెట్లు లాభపడ్డాయి. సోమవారం ఉదయం ప్రధాన ఆసియా మార్కెట్లు భారీ లాభాలతో సాగుతున్నాయి. గిఫ్ట్ నిఫ్టీ సైతం భారీ లాభాలతో ఉంది.
Pre Market Analysis | యూఎస్ మార్కెట్లు (US markets)..
దక్షిణ కొరియాలో చైనా(China) అధ్యక్షుడితో వాణిజ్య చర్చలు సవ్యంగా సాగే అవకాశాలు ఉన్నాయని, చైనాపై వంద శాతం సుంకాల ప్రకటన నిలవకపోవచ్చని యూఎస్ అధ్యక్షుడు ట్రంప్(Trump) చేసిన ప్రకటనతో వాల్స్ట్రీట్ కోలుకుంది. గత సెషన్లో నాస్డాక్(Nasdaq) 0.59 శాతం, ఎస్అండ్పీ 0.53 శాతం పెరిగాయి. సోమవారం ఉదయం డౌజోన్స్ ఫ్యూచర్స్ సైతం 0.07 శాతం లాభంతో ఉంది.
Pre Market Analysis | యూరోప్ మార్కెట్లు (European markets)..
డీఏఎక్స్(DAX) 1.85 శాతం, ఎఫ్టీఎస్ఈ 0.87 శాతం, సీఏసీ 0.18 శాతం నష్టపోయాయి.
Pre Market Analysis | ఆసియా మార్కెట్లు (Asian markets)..
ప్రధాన ఆసియా మార్కెట్లు ఉదయం 8 గంటల సమయంలో లాభాలతో సాగుతున్నాయి. జపాన్కు చెందిన నిక్కీ 2.95 శాతం, హాంగ్కాంగ్కు చెందిన హాంగ్సెంగ్(HangSeng) 2.58 శాతం, తైవాన్ స్టాక్ ఎక్స్ఛేంజ్ 1.47 శాతం, సౌత్ కొరియాకు చెందిన కోస్పీ 1.20 శాతం, చైనాకు చెందిన షాంఘై 0.79 శాతం, సింగపూర్ ఎక్స్ఛేంజ్ స్ట్రెయిట్స్ టైమ్స్ 0.52 శాతం లాభాలతో ఉన్నాయి. గిఫ్ట్ నిఫ్టీ(Gift nifty) 0.88 శాతం లాభంతో కొనసాగుతోంది. దీంతో మన మార్కెట్లు ఈరోజు భారీ గ్యాప్ అప్లో ప్రారంభమయ్యే అవకాశాలున్నాయి.
గమనించాల్సిన అంశాలు..
- ఎఫ్ఐఐ(FII)లు వరుసగా మూడో సెషన్లో నికర కొనుగోలుదారులుగా ఉన్నారు. నికరంగా రూ. 308 కోట్ల విలువైన స్టాక్స్ కొన్నారు. డీఐఐలు వరుసగా 38వ సెషన్లోనూ నికర కొనుగోలుదారులుగా ఉండి, రూ. 1,526 కోట్ల విలువైన స్టాక్స్ కొన్నారు.
- నిఫ్టీ పుట్కాల్ రేషియో(PCR) 1.38 నుంచి 1.21 కు తగ్గింది. విక్స్(VIX) 7 శాతం పెరిగి 11.62 వద్ద ఉంది.
- బ్రెంట్ క్రూడ్ ఆయిల్ ధర బ్యారెల్కు 61.10 డాలర్ల వద్ద ఉంది.
- డాలర్తో రూపాయి మారకం విలువ 14 పైసలు బలహీనపడి 87.97 వద్ద నిలిచింది.
- యూఎస్ పదేళ్ల బాండ్ ఈల్డ్ 0.40 శాతం తగ్గి 4.02 శాతం వద్ద, డాలర్ ఇండెక్స్ 98.43 వద్ద కొనసాగుతున్నాయి.
- గ్లోబల్ మార్కెట్లు జోరు మీదుండడం, కంపెనీల రెండో త్రైమాసిక ఫలితాలు అంచనాలకన్నా బాగుండడంతో బెంచ్మార్క్ ఇండెక్స్లు జీవనకాల గరిష్టాలకు చేరువయ్యాయి. యూఎస్, చైనాల మధ్య ట్రేడ్వార్, యూఎస్, భారత్ మధ్య వాణిజ్య చర్చలు, కంపెనీల క్యూ2 ఎర్నింగ్స్ తదితర అంశాలపై ఈ వారం మార్కెట్ గమనం ఆధారపడి ఉంటుందని భావిస్తున్నారు.
