Mopal | గంజాయి తాగిన వ్యక్తి అరెస్ట్

అక్షరటుడే, నిజామాబాద్ సిటీ: Mopal | గంజాయి తాగిన ఒకరిని పోలీసులు అరెస్టు చేశారు. మోపాల్ (Mopal) ఎస్సై యాదాగౌడ్ (SI Yada Goud) తెలిపిన వివరాల ప్రకారం మోపాల్ ఎక్స్ రోడ్ వద్ద శనివారం వాహనాలు తనిఖీ చేస్తుండగా మోపాల్​కు చెందిన భామన్ బహదూర్​ను పోలీసులు ఆపారు. లైసెన్స్​ పత్రాలు తనిఖీ చేస్తుండగా అతడి వద్ద నుంచి గంజాయి వాసన వస్తుండడంతో అతడి బైక్​ను తనిఖీ చేశారు. బైక్​లో 45గ్రాముల ఎండు గంజాయిని గుర్తించి అతడిని అదుపులోకి తీసుకున్నారు. అనంతరం గంజాయిని, బైక్​ను సీజ్​ చేసి దర్యాప్తు చేస్తున్నట్లు ఎస్సై తెలిపారు.