అక్షరటుడే, వెబ్​డెస్క్: TRAI | రిలయన్స్​ జియో(Reliance Jio)కు మార్చిలో భారీగా సబ్​స్కైబర్లు ​(jio Subscribers) పెరిగారు. మార్చి నెలకు సంబంధించిన వినియోగదారుల లెక్కలను ట్రాయ్(Trai)​ తాజాగా విడుదల చేసింది.

దీని ప్రకారం జియో(Jio)కు మార్చిలో కొత్తగా 21.74 లక్షల కస్టమర్లు యాడ్​ అయ్యారు. ఎయిర్​టెల్(Airtel)​కు 12.50 లక్షల వినియోగదారులు, బీఎస్​ఎన్​ఎల్​(BSNL)కు 49,177 సబ్​స్కైబర్లు పెరిగారు. కాగా.. వొడాఫోన్​ ఐడియా మాత్రం 5.41 లక్షల వినియోగదారులను కోల్పోయింది.

TRAI | 50శాతం వాటా జియోదే..

టెలికాం రంగంలో రిలయన్స్​ జియో(Reliance Jio) ఆధిపత్యం కొనసాగుతోంది. టెలికాం మార్కెట్లో వైర్​డ్​, వైర్​లెస్​ నెట్​వర్క్​లో 50.48 శాతం కస్టమర్లతో జియో అగ్రస్థానంలో ఉంది. సగానికి కంటే ఎక్కువ కస్టమర్లను(Customers) జియో కలిగి ఉండడం గమనార్హం. తర్వాత భారతి ఎయిర్​టెల్ 30.64శాతం, వోడాఫోన్​ ఐడియా 13.39, బీఎస్​ఎన్​ఎల్​ 3.66 శాతం వాటా కలిగి ఉన్నాయి.