అక్షరటుడే, వెబ్డెస్క్: Jan 31 Gold Prices | బంగారం, వెండి ధరలు Silver Prices ఇటీవల వరుసగా కొత్త రికార్డులను సృష్టించిన సంగతి తెలిసిందే. అయితే శుక్రవారం ఒక్కసారిగా భారీ దిద్దుబాటు చోటుచేసుకుంది. అంతర్జాతీయ మార్కెట్ల ప్రభావంతో పాటు ఇన్వెస్టర్లు పెద్ద ఎత్తున లాభాల స్వీకరణకు దిగడంతో ధరలు గణనీయంగా పడిపోయాయి.
ముఖ్యంగా వెండి ధర ఒక్కరోజులోనే షాకింగ్ స్థాయిలో తగ్గుదల నమోదైంది. గురువారం MCXలో కిలో వెండి ధర రూ.4.20 లక్షల గరిష్ట స్థాయిని తాకగా, శుక్రవారం మధ్యాహ్నం 3:30 గంటల సమయానికి MCX మార్చి ఫ్యూచర్స్ వెండి ధర ఏకంగా రూ.85,000 వరకు పడిపోయి రూ.3.35 లక్షలకు చేరింది. రాత్రికల్లా మరింత పడిపోయి రూ.2.90 లక్షలకు చేరింది. ఇదే సమయంలో బంగారం ధర కూడా భారీగా క్షీణించింది.
Jan 31 Gold Prices | కాస్త తగ్గుదల..
10 గ్రాములకు రూ.1,93,096 గరిష్ట స్థాయిని తాకిన బంగారం ధర శుక్రవారం రూ.25,500 వరకు తగ్గి రూ.1,67,406 వద్దకు చేరింది. దేశీయ మార్కెట్లలో ప్రస్తుతం 24 క్యారెట్ల 10 గ్రాముల బంగారం ధర సగటున రూ.1,69,190 వద్ద ఉండగా, 22 క్యారెట్ల 10 గ్రాముల బంగారం ధర రూ.1,55,090గా కొనసాగుతోంది.
వెండి ధర విషయానికి వస్తే దేశవ్యాప్తంగా కిలో వెండి ధర సుమారు రూ.3,95,000 వద్ద ట్రేడవుతుండగా, హైదరాబాద్ మార్కెట్లో మాత్రం కొద్దిగా ఎక్కువగా రూ.4,00,900 వద్ద కొనసాగుతోంది. నగరాల వారీగా పరిశీలిస్తే హైదరాబాద్, విజయవాడ, ముంబై, బెంగళూరులో 24 క్యారెట్ల 10 గ్రాముల బంగారం ధర Gold Price రూ.1,69,190గా ఉండగా, 22 క్యారెట్ల ధర రూ.1,55,090 వద్ద ఉంది. దేశ రాజధాని ఢిల్లీలో 24 క్యారెట్ల బంగారం ధర రూ.1,69,340గా, 22 క్యారెట్ల ధర రూ.1,55,240గా కొనసాగుతోంది.
చెన్నైలో Chennai మాత్రం బంగారం ధరలు ఇతర నగరాలతో పోలిస్తే ఎక్కువగా ఉండి 24 క్యారెట్ల 10 గ్రాముల ధర రూ.1,72,900గా, 22 క్యారెట్ల ధర రూ.1,58,490గా నమోదయ్యాయి. నిపుణుల మాటల్లో ఇది పూర్తిగా ప్రాఫిట్ బుకింగ్ ప్రభావమేనని, ధరలు చాలా వేగంగా పెరిగిన తర్వాత ఇలాంటి దిద్దుబాటు సహజమని చెబుతున్నారు.
ప్రతి రోజు ఉదయం 10 నుంచి 11 గంటల మధ్యలో బంగారం, వెండి ధరలు అప్డేట్ అవుతాయని, ఆ సమయంలో ధరల్లో మరింత హెచ్చుతగ్గులు కనిపించే అవకాశం ఉందని మార్కెట్ వర్గాలు అంచనా వేస్తున్నాయి. దీర్ఘకాలికంగా మాత్రం బంగారం, వెండిపై డిమాండ్ బలంగా కొనసాగుతుందని నిపుణులు అభిప్రాయపడుతున్నారు.
