అక్షరటుడే, వెబ్డెస్క్: Green Chilli | సాధారణంగా పచ్చిమిర్చి అనగానే మనకు దాని ఘాటు, కారం గుర్తుకొస్తాయి. కూరల్లో రుచి కోసం వాడే ఈ మిర్చి వెనుక అద్భుతమైన ఆరోగ్య రహస్యాలు దాగి ఉన్నాయని మీకు తెలుసా? కేవలం రుచి కోసమే కాదు, శరీరానికి అవసరమైన విటమిన్ సి Vitamin C, ఐరన్ iron, పొటాషియం potassium వంటి పోషకాలను అందించడంలో పచ్చిమిర్చి కీలక పాత్ర పోషిస్తుంది. అందుకే రోజువారీ ఆహారంలో కనీసం ఒక పచ్చిమిర్చిని చేర్చుకోవాలని ఆరోగ్య నిపుణులు సూచిస్తున్నారు. మరి పచ్చిమిర్చితో కలిగే ఆ అద్భుత ప్రయోజనాలేంటో ఇప్పుడు చూద్దాం..
Green Chilli | మంచులా కరిగే కొవ్వు:
అధిక బరువుతో ఇబ్బంది పడేవారికి పచ్చిమిర్చి ఒక సహజమైన ఔషధంలా పనిచేస్తుంది. ఇది శరీరంలోని మెటబాలిజం metabolism రేటును పెంచి, నిల్వ ఉన్న అనవసరపు కొవ్వును కరిగించడంలో సహాయపడుతుంది. బరువు తగ్గాలనుకునే వారు తమ డైట్లో పచ్చిమిర్చిని చేర్చుకోవడం వల్ల మంచి ఫలితాలు ఉంటాయి.
Green Chilli | కంటి చూపు:
రేచీకటి, కంటి చూపు Eyesight మందగించడం వంటి సమస్యలతో బాధపడేవారికి పచ్చిమిర్చి మేలు చేస్తుంది. ఇందులో ఉండే విటమిన్ ‘ఏ’ కంటి పనితీరును మెరుగుపరచడమే కాకుండా, కళ్ళను ఆరోగ్యంగా ఉంచుతుంది. మధ్యాహ్న భోజనంలో ఒక పచ్చిమిర్చిని తీసుకోవడం వల్ల కంటి ఆరోగ్యం మెరుగుపడుతుంది.
మానసిక ఒత్తిడి:
డిప్రెషన్, అధిక ఒత్తిడితో సతమతమయ్యే వారికి పచ్చిమిర్చి ఒక ‘మూడ్ బూస్టర్’లా పనిచేస్తుంది. ఇది మెదడులో ఎండార్ఫిన్ల వంటి ఉల్లాసకరమైన హార్మోన్లను విడుదల చేయడంలో తోడ్పడుతుంది. దీనివల్ల మానసిక స్థితి మెరుగుపడి, మీరు మరింత ఉత్సాహంగా ఉంటారు.
ఇన్ఫెక్షన్ల నుంచి రక్షణ:
మారుతున్న కాలంలో ఇన్ఫెక్షన్ల బారిన పడటం సహజం. పచ్చిమిర్చిలో ఉండే యాంటీ బాక్టీరియల్ antibacterial గుణాలు శరీర రోగనిరోధక శక్తిని పెంచుతాయి. రకరకాల ఇన్ఫెక్షన్ల నుంచి శరీరాన్ని రక్షించి, మిమ్మల్ని ఆరోగ్యంగా ఉంచడంలో ఇది దోహదపడుతుంది.
