అక్షరటుడే, మెండోరా : Sriram Sagar | మహారాష్ట్రలో కురుస్తున్న వర్షాలతో శ్రీరాం సాగర్ ప్రాజెక్ట్కు (Sriram Sagar Project) వరద పోటెత్తుతోంది. ఇన్ఫ్లో క్రమం తప్పకుండా వస్తుండడంతో అధికారులు 16 గేట్లు ఎత్తి గోదావరిలోకి నీటిని విడుదల చేస్తున్నారు.
ప్రాజెక్ట్లోకి ప్రస్తుతం 56,513 క్యూసెక్కుల ఇన్ఫ్లో వస్తోంది. దీంతో 16 వరద గేట్ల ద్వారా అంతేస్థాయిలో దిగువకు విడుదల చేస్తున్నారు. కాకతీయ కాలువ, లక్ష్మి కాలువలకు నీటి విడుదలను నిలిపివేశారు. ఎస్కేప్ గేట్ల ద్వారా 8000 క్యూసెక్కులు, సరస్వతి కాలువకు 650, మిషన్ భగీరథకు 231 క్యూసెక్కులు, ఆవిరి రూపంలో 573 క్యూసెక్కులు విడుదల చేస్తున్నారు.
Sriram Sagar | అప్రమత్తంగా ఉండాలని సూచన..
ప్రాజెక్ట్ పూర్తిస్థాయి నీటిమట్టం 1091 అడుగులు (80.5 టీఎంసీలు) కాగా.. ప్రస్తుతం అంతేస్థాయిలో నీరు నిల్వ ఉంది. గోదావరిలోకి (Godavari) నీటి విడుదల కొనసాగుతుండడంతో నదీ పరీవాహక గ్రామాల ప్రజలు అప్రమత్తంగా ఉండాలని ప్రాజెక్ట్ అధికారులు సూచించారు.
Sriram Sagar | నిజాంసాగర్ ప్రాజెక్ట్లోకి..
అక్షరటుడే, ఎల్లారెడ్డి: నిజాంసాగర్ ప్రాజెక్ట్లోకి (Nizamsagar Project) ఎగువ నుంచి ఇన్ఫ్లో కొనసాగుతోంది. జలాశయంలోకి ప్రస్తుతం 35,105 క్యూసెక్కుల వరద వస్తుండగా.. అధికారులు 5 గేట్లు ఎత్తి దిగువకు నీటిని విడుదల చేస్తున్నారు. నిజాంసాగర్కు వరద వస్తుండడంతో వరద గేట్ల ద్వారా 43,135 క్యూసెక్కులు దిగువకు వదులుతున్నారు. ప్రాజెక్ట్ పూర్తిస్థాయి నీటిమట్టం 1,405 అడుగులు (17.8 టీఎంసీలు) కాగా.. ప్రస్తుతం 1,404.76 అడుగుల (17.4 టీఎంసీలు) నీరు నిల్వ ఉంది.
