Sriram Sagar | జలాశయాలకు కొనసాగుతున్న వరద.. గేట్లు ఎత్తి దిగువకు నీటి విడుదల

11

అక్షరటుడే, మెండోరా: Sriram Sagar | ఉమ్మడి జిల్లాలో ప్రాజెక్టులకు వరద కొనసాగుతోంది. దీంతో అధికారులు ఆయా ప్రాజెక్టుల గేట్లుఎత్తి దిగువకు నీటిని విడుదల చేస్తున్నారు.

ఎగువన మహారాష్ట్రలో కురుస్తున్న వర్షాల కారణంగా శ్రీరాంసాగర్​ ప్రాజెక్ట్​కు (Sriram Sagar Project) ఎగువ నుంచి వరద కొనసాగుతోంది. భారీగా ఇన్​ఫ్లో వస్తుండడంతో అధికారులు 16 గేట్లు ఎత్తి దిగువ గోదావరిలోకి విడుదల చేస్తున్నారు.

ప్రాజెక్ట్​లోకి ప్రస్తుతం 56,513 క్యూసెక్కుల ఇన్​ఫ్లో వస్తోంది. 39 వరద గేట్ల ద్వారా 56,513 క్యూసెక్కులు దిగువకు వదులుతున్నారు. కాకతీయ కాలువకు (Kakatiya Canal), లక్ష్మి కాలువకు నీటివిడుదలను నిలిపేశారు. ఎస్కేప్​ గేట్ల ద్వారా 8 వేలు, సరస్వతి కాలువకు 650 క్యూసెక్కులు వదులుతున్నారు. మిషన్​ భగీరథకు 231 క్యూసెక్కులు, ఆవిరి రూపంలో 573 క్యూసెక్కులు పోతోంది.

Sriram Sagar | అప్రమత్తంగా ఉండాలి

ప్రాజెక్ట్​ పూర్తిస్థాయి నీటిమట్టం 1091 అడుగులు (80.5 టీఎంసీలు) కాగా.. ప్రస్తుతం 1091.00 అడుగుల  (80.501 టీఎంసీలు) నీరు నిల్వ ఉంది. మొత్తం 2,59,397 క్యూసెక్కుల ఔట్​ఫ్లో నమోదవుతోంది. గోదావరిలోకి (Godavari) నీటి విడుదల కొనసాగుతుండడంతో నది పరీవాహక గ్రామాల ప్రజలు అప్రమత్తంగా ఉండాలని ప్రాజెక్ట్​ అధికారులు సూచించారు.

Sriram Sagar | నిజాంసాగర్​ ప్రాజెక్ట్​కు..

నిజాంసాగర్​ ప్రాజెక్ట్​లోకి (Nizamsagar Project) ఎగువ నుంచి ఇన్​ఫ్లో కొనసాగుతోంది. జలాశయంలోకి ప్రస్తుతం 33,910 క్యూసెక్కుల వరద వస్తుండగా.. అధికారులు 5 గేట్లు ఎత్తి దిగువకు నీటిని విడుదల చేస్తున్నారు. ప్రాజెక్ట్​ పూర్తిస్థాయి నీటిమట్టం 1405 అడుగులు (17.8 టీఎంసీలు) కాగా.. ప్రస్తుతం 1404.62 అడుగుల (17.2 టీఎంసీలు) నీరు నిల్వ ఉంది.