అక్షరటుడే, వెబ్డెస్క్ : Anvesh Lookout Notice | యూట్యూబర్ అన్వేష్కు హైదరాబాద్ (Hyderabad) పోలీసులు షాక్ ఇచ్చారు. ఇప్పటికే అతడి ఇన్స్టాగ్రామ్ అకౌంట్ బ్లాక్ చేయించిన పోలీసులు తాజాగా.. అన్వేష్కు లుకౌట్ నోటీసులు జారీ చేశారు.
ఆంధ్రప్రదేశ్లోని విశాఖపట్నంకు చెందిన అన్వేష్ యూట్యూబ్లో ఫేమస్ అయ్యాడు. పలు ప్రాంతాలను సందర్శించి ఆ వీడియోలను యూట్యూబ్లో పెట్టేవాడు. ఇతర దేశాల సంస్కృతి, అలవాట్లను తన వీడియో ద్వారా పరిచయం చేసేవాడు. దీంతో అతడి యూట్యూబ్ ఛానెల్ ‘నా అన్వేషణ’కు భారీగా సబ్స్క్రైబర్స్ పెరిగారు. అయితే కొన్ని రోజుల క్రితం అన్వేష్ హిందు దేవతల విషయంలో అనుచిత వ్యాఖ్యలు చేశాడు. ఈ మేరకు పలువురు ఆయనపై ఫిర్యాదు చేశారు.
Anvesh Lookout Notice | కరాటే కల్యాణి ఫిర్యాదుతో..
పలు ప్రాంతాల్లో అన్వేష్పై ఫిర్యాదులు చేశారు. అయితే సినీ నటి కరాటే కల్యాణి (Karate Kalyani) పంజాగుట్ట పోలీస్ స్టేషన్లో ఫిర్యాదు చేయగా పోలీసులు గతంలోనే కేసు నమోదు చేశారు. ఈ క్రమంలో ఇటీవల అతడి ఇన్స్టాగ్రామ్ అకౌంట్ సైతం బ్లాక్ చేయించారు. దీంతో తనకు రెండు ఇన్స్టా, రెండు యూట్యూబ్ అకౌంట్లు ఉన్నాయంటూ అన్వేష్ మరో వీడియో విడుదల చేశాడు. మరోవైపు కరాటే కల్యాణి ఈ కేసును వదలకుండా పోలీసులపై ఒత్తిడి తెచ్చారు. రెండు రోజుల క్రితం ఆమె మాట్లాడుతూ.. అన్వేష్కు లుకౌట్ నోటీసులు వస్తాయని చెప్పారు. ఈ మేరకు తాజాగా పంజాగుట్ట పోలీసులు లుకౌట్ నోటీసులు జారీ చేశారు. మరోవైపు అతడి అకౌంట్లపై ఇన్స్టాగ్రామ్, యూట్యూబ్కు లేఖ రాసేందుకు సిద్ధం అవుతున్నారు.
Anvesh Lookout Notice | నెటిజన్ల ఫైర్
అన్వేష్ హిందు దేవతలపై చేసిన వ్యాఖ్యలను నెటిజన్లు ఖండించారు. అతడిపై తీవ్ర ఆగ్రహం వ్యక్తం చేశారు. అతడి చానెల్ను అన్సబ్స్క్రైబ్ చేశారు. దీంతో గతంలోనే అన్వేష్ క్షమాపణ చెబుతూ వీడియో విడుదల చేశాడు. కాగా అతడు ప్రస్తుతం విదేశాల్లో ఉన్నాడు. ఇండియాకు రాగానే అదుపులోకి తీసుకొని విచారించేందుకు పోలీసులు లుకౌట్ నోటీసులు జారీ చేశారు.
