అక్షరటుడే, వెబ్డెస్క్ :Tamil Nadu | వెర్రి వెయ్యి రకాలు అన్నట్లు.. కొందరు పిచ్చి పనులతో సోషల్ మీడియాలో వైరల్ అవుతుంటారు. తాజాగా తమిళనాడులో ఓ యువకుడు మెడలో పాము వేసుకొని.. చేతిలో బీరు సీసా పట్టుకుని నడిరోడ్డుపై హల్ చల్ చేశాడు.
తమిళనాడులోని ధర్మపురి(Dharmapuri)లో సూర్య అనే యువకుడు మెడలో పాము(Snake) వేసుకుని వైన్ షాప్(Wine shop)కు వెళ్లాడు. అక్కడ బీర్ కొనుగోలు చేసి పాముకు కొద్దిగా తాగించాడు. అనంతరం తాను తాగాడు. అంతేగాకుండా పాముకు ముద్దు పెట్టి, రోడ్డుపై పోయే వాహనాలను ఆపుతూ హంగామా సృష్టించారు. దీంతో స్థానికులు భయాందోళనకు గురయ్యారు. ఈ వీడియో ప్రస్తుతం సోషల్ మీడియాలో వైరల్గా మారింది.
