Nizamabad City | రోడ్డు ప్రమాదంలో యువకుడి మృతి

అక్షరటుడే నిజామాబాద్ సిటీ: Nizamabad City | నగరంలోని జిల్లా పరిషత్ వద్ద జరిగిన రోడ్డు ప్రమాదంలో ఓ యువకుడు అక్కడికక్కడే మృతి చెందారు. మూడో టౌన్​ ఎస్సై హరిబాబు(3rd Town​ SI Haribabu) తెలిపిన వివరాల ప్రకారం.. నగరంలోని హమాల్ వాడికి చెందిన బీటెక్ విద్యార్థి మందుల ఆకాష్(21) ఆదివారం రాత్రి తన స్నేహితుడు దీపక్ ఇంట్లో శుభకార్యంలో పాల్గొన్నాడు. తిరిగి అర్ధరాత్రి ఖలీల్​వాడి వైపు వెళ్తుండగా.. జిల్లా పరిషత్​ కార్యాలయం ఎదుట ఆటో ఢీకొట్టింది. దీంతో ఆకాష్​ తలకు బలమైన గాయాలు కాగా అక్కడికక్కడే మృతి చెందాడు. పోలీసులు(Police) ఘటనా స్థలానికి చేరుకుని మృతదేహాన్ని జీజీహెచ్​కు తరలించారు.