అక్షరటుడే, లింగంపేట: CI Transfer | రాష్ట్రంలో పలువురు ఇన్స్పెక్టర్లు బుధవారం బదిలీ అయ్యారు. ఇందులో భాగంగా మొత్తం తొమ్మిది సీఐలను ట్రాన్స్ఫర్ చేస్తూ ఉత్తర్వులు జారీ చేశారు. ఇందులో భాగంగా ఎల్లారెడ్డి సీఐ రవీంద్ర నాయక్ను బదిలీ చేశారు. ఆయనను ఐజీపీ ఆఫీస్(IGP Office)కు అటాచ్ చేస్తూ ఉత్తర్వులు ఇచ్చారు. రవీంద్ర నాయక్ స్థానంలో ఎల్లారెడ్డి సీఐగా మెదక్ జిల్లా సీసీఎస్లో పనిచేస్తున్న రాజారెడ్డి (Medak CI Rajaram) రానున్నారు. రాజారెడ్డి నిజామాబాద్ జిల్లాలో సుదీర్ఘకాలం పాటు ఎస్సైగా పనిచేశారు. మాక్లూర్, నవీపేట పోలీస్స్టేషన్లలో ఎస్హెచ్వోగా బాధ్యతలు నిర్వహించారు. అనంతరం పదోన్నతిపై భైంసా సీఐగా వెళ్లారు. తదనంతరం మెదక్ జిల్లాలో విధులు నిర్వహిస్తున్నారు. కాగా.. ఆయన డిచ్పల్లి సీఐగా వస్తారని ప్రచారం జరిగింది. కానీ ఎల్లారెడ్డి సీఐగా నియమిస్తూ ఉన్నతాధికారులు ఉత్తర్వులు జారీ చేశారు.
CI Transfer | సీఐ బదిలీపై చర్చ
సీఐ రవీంద్ర నాయక్ బదిలీ కావడంపై రాజకీయ వర్గాల్లో చర్చ జరుగుతోంది. ఆయన బదిలీ వెనుక బలమైన కారణం ఉండి ఉంటుందని వారు చర్చించుకుంటున్నారు. రెండు నెలల కింద ఒక ఇష్యూలో బదిలీ అవుతారని ప్రచారం జోరుగా జరిగింది.
CI Transfer | రాష్ట్రంలో తొమ్మిది మంది ఇన్స్పెక్టర్ల బదిలీ
మెదక్ సీసీఎస్లో పనిచేస్తున్న ఇన్స్పెక్టర్ డి.రాజా రెడ్డిని ఎల్లారెడ్డి సీఐ(Yella Reddy CI)గా బదిలీ చేశారు. ఎల్లారెడ్డి సర్కిల్ ఇన్స్పెక్టర్గా ఉన్న బి.రవీంద్ర నాయక్ను ఐజీపీ ఆఫీస్(Ravindra Naik IGP Office)కు అటాచ్ చేశారు. అలాగే వెయిటింగ్లో ఉన్న వై.సంజీవరావును వరంగల్ కమిషనరేట్కు అటాచ్ చేశారు. బెల్లంపల్లి ఒకటో టౌన్ సీఐగా పనిచేస్తున్న నీలాల దేవయ్య(Nilala Devaiah)ను రామగుండంలోని తాండురు సీఐగా పంపించారు. తాండూరు సీఐ కన్నం కుమారస్వామిని ఐజీపీ కార్యాలయానికి అటాచ్ చేశారు. అలాగే మధిర సీఐ దొంగరి మధు(Madhira CI Dongari Madhu)ను ఇటీవల ఖమ్మం కమిషనరేట్కు అటాచ్ చేయగా. తిరిగి మధిరకు పంపించారు. అలాగే కాగజ్నగర్ రూరల్ సీఐ కుచన శ్రీనివాస్ రావు(Kuchana Srinivas Rao)ను బెల్లంపల్లి–1 టౌన్ సీఐగా నియమించారు. ఖమ్మం సీఎస్బీ ఇన్స్పెక్టర్ చందవోలు హనూక్(Chandavol Hanukkah)ను బెల్లంపల్లి రూరల్ సీఐగా బదిలీ చేశారు. బెల్లంపల్లి రూరల్ సీఐ అఫ్జలొద్దీన్(Bellampalli Rural CI Afzaluddin)ను ఐజీపీ ఆఫీస్కు అటాచ్ చేస్తూ ఉత్తర్వులు ఇచ్చారు.
