అక్షరటుడే, కామారెడ్డి: Kamareddy Collectorate | ‘కలెక్టర్గా పోస్టింగ్ ఇచ్చారు. నా ఛాంబర్ ఎక్కడ.. నా కుర్చీ ఏది’ అంటూ ఓ మహిళ కామారెడ్డి కలెక్టరేట్లో (Kamareddy Collectorate) హల్చల్ చేసింది. విశ్వసనీయ వర్గాల ద్వారా ఆలస్యంగా వెలుగులోకి వచ్చిన ఈ ఘటనకు సంబంధించిన వివరాలిలా ఉన్నాయి.
కామారెడ్డి కలెక్టరేట్కు మంగళవారం ఓ మహిళ తన కుటుంబ సభ్యులతో వచ్చింది. తనకు కామారెడ్డి కలెక్టర్గా పోస్టింగ్ ఇచ్చారని ఒక ఫేక్ లెటర్ (fake letter) అధికారులకు చూపింది. తన కుర్చీ ఎక్కడ.. ఛాంబర్ ఎక్కడ అంటూ హడావుడి చేసింది. సదరు మహిళ వచ్చిన సమయంలో ఉన్నతాధికారులు ఎవరూ కలెక్టరేట్లో అందుబాటులో లేరు.
విషయాన్ని సిబ్బంది డీఆర్వోకు ఫోన్ ద్వారా తెలపగా ఆయన వచ్చేసరికి సదరు మహిళ కారులో కుటుంబ సభ్యులతో వెళ్లిపోయింది. ఫోన్ చేస్తే రెండు రోజుల తర్వాత జాయిన్ అవుతానని సమాధానమిచ్చింది. దాంతో సీసీ కెమెరాల (CCTV cameras) ద్వారా తూప్రాన్ వద్ద ఆమె ఆచూకీని కనుగొన్నారు. డీఆర్వో ఫిర్యాదు మేరకు పోలీసులు కేసు నమోదు చేసినట్టు సమాచారం.
Kamareddy Collectorate | తండ్రి సంతోషం కోసమే..
విచారణలో సదరు మహిళ గురించి పోలీసులకు ఆశ్చర్యకరమైన విషయాలు తెలిశాయి. సదరు మహిళ కాంపిటేటివ్ పరీక్షలకు సన్నద్ధమై ఎన్ని పరీక్షలు రాస్తున్నా ఉద్యోగం రావడం లేదు. దీంతో తనకు ఉద్యోగం రాకపోవడంతో తన తండ్రి బాధపడుతున్నాడని ఆమె ఇలా కామారెడ్డి కలెక్టర్గా ఉద్యోగం వచ్చిందంటూ ఫేక్ లెటర్తో నాటకం ఆడినట్లు పోలీసులకు తెలిసినట్లు సమాచారం.
