అక్షరటుడే, వెబ్డెస్క్ : Tik Tok | టిక్ టాక్ మళ్లీ భారత్లోకి రానుందా.. ఇటీవల టిక్ టాక్ రీ ఎంట్రీపై వార్తలు రాగా.. కేంద్ర ప్రభుత్వం (Central Government) ఖండించింది. దానిపై బ్యాన్ కొనసాగుతోందని స్పష్టం చేసింది. టిక్టాక్ తాజాగా భారత్లో పలు ఉద్యోగాల భర్తీ చేయడానికి సన్నాహాలు చేస్తోంది.
ఈ మేరకు లింక్డ్ఇన్లో పోస్ట్ చేసింది. హర్యానాలోని గుర్గావ్లో పని చేయడానికి కంటెంట్ మోడరేటర్, వెల్బియింగ్ పార్టర్షిప్ అండ్ ఆపరేషన్స్ లీడ్ పోస్టులను భర్తీ చేస్తున్నట్లు పేర్కొంది. దీంతో మళ్లీ టిక్టాక్ (Tik Tok) రానుందనే వార్తలు వస్తున్నాయి. దీనిపై కేంద్రం నుంచి క్లారిటీ రావాల్సి ఉంది.
Tik Tok | భారత్ పెద్ద మార్కెట్
టిక్ టాక్ను భారత్ 2020లో బ్యాన్ చేసింది. అంతకుముందు ఆ సంస్థకు భారీ పెద్ద మార్కెట్గా ఉండేది. భారీగా యూజర్లు సదరు సంస్థకు ఉండేవారు. చాలా మంది టిక్టాక్ ద్వారా ఫేమస్ అయ్యారు. ఎంతో మంది దానికి బానిసలుగా మారారు. టిక్టాక్ దెబ్బకు ఫేస్బుక్ రీల్స్ (Facebook Reels), యూట్యూబ్ షార్ట్స్ (YouTube Shorts) తీసుకొచ్చిందంటే అర్థం చేసుకోవచ్చు. ఈ క్రమంలో భారత్–చైనా మధ్య గాల్వన్ లోయలో ఘర్షణ తలెత్తడంతో కేంద్రం 2020 జూన్లో టిక్టాక్ సహా 59 చైనా యాప్లను నిషేధించింది.
Tik Tok | జోరుగా చర్చ
టిక్ టాక్ భారత్లో నియామకాలు చేపట్టడంతో మళ్లీ రాబోతుందని ప్రచారం జరుగుతోంది. ఇటీవల భారత్పై అమెరికా 50 సుంకాలు విధించిన విషయం తెలిసిందే. దీంతో భారత్–రష్యా–చైనా కలిసి ముందుకు సాగనున్నాయనే ప్రచారం జరుగుతోంది. ఈ మేరకు ప్రధాని మోదీ శనివారం చైనా పర్యటనకు వెళ్లారు. త్వరలో రష్యా అధ్యక్షుడు పుతిన్ భారత్కు రానున్నారు. మోదీ చైనా పర్యటన సందర్భంగా పలు కీలక ఒప్పందాలు చేసుకోనున్నట్లు తెలిసింది. ఇందులో భాగంగా చైనా యాప్లపై నిషేధం ఎత్తివేస్తారని ప్రచారం సాగుతోంది.
Tik Tok | పూర్వ వైభవం సాధ్యమేనా..
భారత్లో టిక్టాక్ నిషేధించకముందు దాదాపు 200 మిలియన్ల మంది వినియోగదారులు ఉన్నారు. అనంతరం ఇన్స్టాగ్రామ్ అందుబాటులోకి రావడంతో చాలా మంది దానికి అలవాటు పడ్డారు. ఈ క్రమంలో దేశంలో టిక్టాక్ రీ ఎంట్రీ ఇచ్చిన పూర్వస్థాయిలో వైభవం దక్కే అవకాశం లేదు.
