అక్షరటుడే, వెబ్‌డెస్క్‌: TTD WhatsApp | ఏపీ ప్రభుత్వం తీసుకొచ్చిన వాట్సాప్ WhatsApp గవర్నెన్స్‌లో మరిన్ని సేవలను జోడించింది. తాజాగా, టీటీడీకి సంబంధించిన నాలుగు రకాల ముఖ్య సేవలను వాట్సాప్ గవర్నెన్స్‌ ద్వారా భక్తులకు అందుబాటులోకి తీసుకొచ్చింది. ఇకపై వసతి, దర్శనం, ఇతర కీలక సమాచారాన్ని భక్తులు సులభంగా తెలుసుకోవచ్చు.
టీటీడీ సేవలు వాట్సాప్ ద్వారా అందుబాటులోకి వచ్చాయి. ఈ కొత్త సదుపాయం ద్వారా ఈ కింది వివరాలను తెలుసుకోవచ్చు.
దర్శనం స్థితి, సర్వ దర్శన టోకెన్ (TTD tickets) సమాచారం, ఎన్ని టికెట్లు అందుబాటులో ఉన్నాయి..? క్యూలైన్ ఏ మేర ఉంది..? శ్రీవారి దర్శనానికి ఎన్ని గంటలు పడుతోంది.. ? అనే సమాచారం వాట్సప్ ద్వారా తెలుసుకోవచ్చు.
- శ్రీవాణి టికెట్ల కౌంటర్ స్టేటస్ చూడొచ్చు.
- రూమ్స్ కొరకు చెల్లించిన డిపాజిట్ రీఫండ్ సమాచారం ఉంటుంది.
- వాట్సాప్‌లో టికెట్లు బుక్ చేసుకునే విధానం (స్టెప్ బై స్టెప్)
TTD WhatsApp | ఈ నంబరు సేవ్ చేసుకోవాలి…
టీటీడీ సేవలను వాట్సాప్‌లో తెలుసుకోవడానికి 9552300009 నంబరును మొబైల్‌లో సేవ్ చేసుకోవాలి. తర్వాత వాట్సాప్ అప్లికేషన్‌ తెరిచి, సదరు నంబరుకు “హాయ్” (Hi) అని మెసేజ్ పంపాలి. అప్పుడు చాట్‌బాట్ నుంచి ఆప్షన్లు కనిపిస్తాయి. అందులో “ఆలయ బుకింగ్ సేవలు” అనే దాన్ని ఎంచుకోవాలి.
దర్శన టిక్కెట్లు, వసతి, సేవా రిజర్వేషన్లు, ఇతర సేవలను బుక్ చేసుకోవడానికి చాట్‌బాట్ సూచనలు ఇస్తుంది. అప్పుడు సర్వదర్శనం, శ్రీవాణి కౌంటర్, క్యూలైన్, డిపాజిట్ రీఫండ్ స్టేటస్ వంటి ఆప్షన్ల ద్వారా తదుపరి సమాచారాన్ని పొందొచ్చు.
బుకింగ్ తర్వాత, టికెట్‌ వివరాలు వాట్సాప్‌లోనే అందుతాయి. భక్తులు వాటిని డౌన్‌లోడ్ చేసి ప్రింట్ తీసుకోవాల్సి ఉంటుంది.
