అక్షరటుడే, వెబ్‌డెస్క్‌: PRE MARKET ANALYSIS : గ్లోబల్‌ మార్కెట్లు(Global markets) బలహీనంగా కొనసాగుతున్నాయి. ఎక్కువగా నష్టాల బాటలో ఉన్నాయి. గత ట్రేడింగ్‌ సెషన్‌లో యూఎస్‌ మార్కెట్లు నష్టాలతో ముగియగా.. యూరోప్‌ మార్కెట్లు(European markets) మిశ్రమంగా స్పందించాయి. సోమవారం ఉదయం ఆసియా మార్కెట్లు(Asian markets) ఎక్కువగా నష్టాలతో సాగుతున్నాయి. చివరి ట్రేడిరగ్‌ సెషన్‌లో అమెరికాకు చెందిన నాస్‌డాక్‌ (Nasdaq)0.32 శాతం, ఎస్‌అండ్‌పీ 0.01 శాతం నష్టపోయాయి. సోమవారం ఉదయం డౌజోన్స్‌ ఫ్యూచర్స్‌ సైతం .32 శాతం నష్టంతో కొనసాగుతోంది.
PRE MARKET ANALYSIS : యూరోప్‌ మార్కెట్లు..
గత ట్రేడింగ్‌ సెషన్‌లో ఎఫ్‌టీఎస్‌ఈ(FTSE) 0.64 శాతం, డీఏఎక్స్‌ 0.29 శాతం లాభపడగా.. సీఏసీ 0.36 శాతం నష్టపోయింది.
PRE MARKET ANALYSIS : ఆసియా మార్కెట్లు..
ప్రధాన ఆసియా మార్కెట్లు(Asian markets) నష్టాలతో కొనసాగుతున్నాయి. ఉదయం 8.30 గంటల ప్రాంతంలో హంగ్‌సెంగ్‌(Hang Seng) 2.23 శాతం, తైవాన్‌ స్టాక్‌ ఎక్స్ఛ్‌ంజ్‌ 1.48 శాతం, నిక్కీ 1.47 శాతం, కోస్పీ 0.34 శాతం నష్టాలతో ఉండగా.. స్ట్రెయిట్‌ టైమ్స్‌(Straits Times) మాత్రం ఫ్లాట్‌ కదలాడుతోంది. గిఫ్ట్‌ నిఫ్టీ(Gift nifty) 0.04 శాతం లాభంతో కొనసాగుతుండడంతో మన మార్కెట్లు ఫ్లాట్‌గా ప్రారంభమయ్యే అవకాశాలున్నాయి.
PRE MARKET ANALYSIS : గమనించాల్సిన అంశాలు..
- ఎఫ్‌ఐఐ(FII)లు తిరిగి నికర అమ్మకందారులుగా మారారు. శుక్రవారం నికరంగా రూ. 6,449 కోట్ల విలువైన స్టాక్స్‌ విక్రయించగా.. డీఐఐలు మాత్రం నికరంగా రూ. 9,095 కోట్ల విలువైన స్టాక్స్‌ కొన్నారు.
- క్రూడ్‌ ఆయిల్‌(Crude oil) ధరకు రెక్కలొస్తున్నాయి. బ్యారెల్‌కు 2.95 శాతం పెరిగి 62.58 డాలర్లకు చేరింది.
- డాలర్‌(DOller)తో రూపాయి మారకం విలువ 5 పైసలు తగ్గి 85.57 వద్ద ఉంది.
- యూఎస్‌ డాలర్‌ ఇండెక్స్‌(US Dollar Index) 0.14 శాతం తగ్గి 99.20కు, యూఎస్‌(US) పదేళ్ల బాండ్‌ ఈల్డ్‌ 0.36 శాతం పెరిగి 4.42 కు చేరాయి.
- కొవిడ్‌(Covid) కేసులు ఎక్కువవుతుండడంతో మార్కెట్‌లో భయాలు పెరుగుతున్నాయి.
- రష్యా, ఉక్రెయిన్ల మధ్య ఉద్రిక్తతలు పెరుగుతున్నాయి.
- అమెరికా అధ్యక్షుడు ట్రంప్‌(US President Trump) వ్యాఖ్యానాలు, ఆ దేశం అనుసరిస్తున్న టారిఫ్‌(Tariff) పాలసీలు ఇన్వెస్టర్ల సెంటిమెంట్‌పై ప్రభావం చూపుతున్నాయి.
