అక్షరటుడే, ఇందూరు: BC Reservations | బీసీ రిజర్వేషన్ ఉద్యమాన్ని మరింత ఉధృతం చేస్తామని జిల్లా బీసీ సంక్షేమ సంఘం (BC Sankshema Sangham) నాయకుడు నరాల సుధాకర్ అన్నారు. హైదరాబాద్లోని (Hyderabad) కళింగ భవన్లో ఆదివారం రాష్ట్ర సమావేశం నిర్వహించారు.
ఈ సందర్భంగా నరాల సుధాకర్ మాట్లాడుతూ.. ఉద్యమాన్ని ఉధృతం చేసేందుకు భవిష్యత్ కార్యాచరణ నిర్ణయించినట్లు తెలిపారు. బీసీలు విద్య, ఉద్యోగ, రాజకీయాలకు 42 శాతం రిజర్వేషన్లు సాధించడానికి గల్లీ నుంచి ఢిల్లీ వరకు ఉద్యమాన్ని తీవ్రం చేస్తామన్నారు. కార్యక్రమంలో జిల్లా నాయకులు దేవేందర్, బాలన్న, నరేష్ తదితరులు పాల్గొన్నారు.
