అక్షరటుడే, ఇందూరు: Mla Dhanpal | మనో సంకల్పంతో అంగవైకల్యాన్ని జయించాలని అర్బన్ ఎమ్మెల్యే ధన్పాల్ సూర్యనారాయణ గుప్తా అన్నారు. బుధవారం స్నేహ సొసైటీ (Sneha Society) ఆధ్వర్యంలో దివ్యాంగుల బడిబాట నిర్వహించారు. ఈ సందర్భంగా ఎమ్మెల్యే మాట్లాడుతూ.. విద్యతోపాటు ఆయా రంగాల్లో ఉన్నత శిఖరాలను సాధించిన సుధా చంద్రన్, లూయీస్ బ్రెయిలీ (Louis Braille) వంటి వారిని ఆదర్శంగా తీసుకోవాలన్నారు.
ఆరోగ్యశాఖ అధికారులతో (Health Department) మాట్లాడి అంగవైకల్యం ఉన్న విద్యార్థులకు సదరం క్యాంప్ (sadaram Camp) ఏర్పాటు చేసేలా చూస్తానని చెప్పారు. దివ్యాంగ సర్టిఫికెట్తో ప్రభుత్వ పథకాలు, రాయితీల ప్రయోజనాలను పొందే అవకాశం ఉంటుందన్నారు. తన ట్రస్ట్ ద్వారా ఎల్లప్పుడూ సహాయ సహకారాలు అందించడానికి సిద్ధంగా ఉన్నానని హామీ ఇచ్చారు. కార్యక్రమంలో స్నేహ సొసైటీ ఛైర్మన్ సిద్దయ్య, ప్రిన్సిపాల్ జ్యోతి, సీడీపీవో సౌందర్య, సొసైటీ మెంబర్ వీరేశం తదితరులు పాల్గొన్నారు.
విద్యార్థులతో కరచాలనం చేస్తున్న ఎమ్మెల్యే ధన్పాల్ సూర్యనారాయణ గుప్తా
