అక్షరటుడే, వెబ్​డెస్క్ : Flood Canal | శ్రీరామ్​సాగర్ (Sriram Sagar)​కు ఎగువ నుంచి భారీగా ఇన్​ఫ్లో వస్తోంది. ప్రాజెక్ట్​కు వరద వస్తుండటంతో అధికారులు వరద కాలువ (IFFC) ద్వారా నీటిని మిడ్​ మానేరు (Mid Maneru)కు తరలించనున్నారు. ఈ మేరకు ఆదివారం ఉదయం 11 గంటలకు ఇందిరమ్మ వరద కాలువకు నీటి విడుదలను ప్రారంభించారు. కాలువ ద్వారా మూడు వేల క్యూసెక్కులు విడుదల చేస్తున్నారు.

శ్రీరామ్​సాగర్​కు ప్రస్తుతం 1,51,806 క్యూసెక్కుల ఇన్​ఫ్లో వస్తుండగా.. 61.88 టీఎంసీలకు నీటినిల్వ చేరింది. దీంతో మిడ్​మానేరు, లోయర్ మానేరు డ్యామ్​లకు వరద కాలువ ద్వారా నీటిని తరలించడానికి అధికారులు చర్యలు చేపట్టారు. వరద కాలువ ద్వారా నీటిని విడుదల చేయడంతో కాలువ పరీవాహక గ్రామాల ప్రజలు అప్రమత్తంగా ఉండాలని ప్రాజెక్ట్​ ఎస్​ఈ శ్రీనివాస్​రావు గుప్తా (Project SE Srinivas Rao Gupta) సూచించారు. ఈ మేరకు ఆయన ప్రకటన విడుదల చేశారు. పోలీస్​, రెవెన్యూ అధికారులు ఆయా గ్రామ పంచాయతీల్లో ప్రజలకు ఈ విషయాన్ని తెలియజేయాలని కోరారు. పశువుల కాపర్లు, గొర్ల కాపరులు, రైతులు కాలువను దాటే ప్రయత్నం చేయొద్దన్నారు. కాలువలో చేపల వేటకు వెళ్లొద్దని సూచించారు.