అక్షరటుడే, అమరావతి: Vizag earthquake | విశాఖపట్నం Vishakapatnam నగరంలో తెల్లవారుజామున స్వల్ప భూకంప ప్రకంపనలు నమోదయ్యాయి.
ఈ కదలికలు నగరంలోని పలు ప్రాంతాల్లో కొన్ని సెకన్లపాటు కొనసాగడంతో స్థానికులు ఒక్కసారిగా భయాందోళనకు గురయ్యారు.
సమాచారం ప్రకారం, ఈ ఘటన మంగళవారం ఉదయం 4:16 గంటల సమయంలో మొదలైంది. మాధవధార, అక్కయ్యపాలెం, హెచ్‌బీ కాలనీ, అల్లాపురం, ఎండాడ, భీమిలి, పెందుర్తి వంటి ప్రాంతాల్లో ప్రజలు తమ ఇళ్లు స్వల్పంగా ఊగుతున్నట్లు గమనించారు.
భీమిలి బీచ్ రోడ్డు పరిసరాల్లో పెద్ద శబ్దం వినిపించడంతో, ప్రజలు బయటకు పరుగులు తీశారు. అదే సమయంలో పెందుర్తి, సింహాచలం, ఎండాడ ప్రాంతాల్లో కూడా ఈ ప్రకంపనలు రావ‌డం జ‌రిగింది.
Vizag earthquake | స్వల్ప భూకంపం..
ఇళ్లలో నిద్రిస్తున్నవారు ఒక్కసారిగా లేచి బయటకు పరుగులు తీయగా, కొందరు తమ అనుభవాలను సోషల్ మీడియాలో Social media పంచుకున్నారు. “ఇల్లు కదిలింది, భూమి ఊగినట్లు అనిపించింది” అంటూ పోస్టులు చేస్తూ భయాన్ని వ్యక్తం చేశారు.
తెల్లవారుజామున ఈ ఘటన జరగడంతో భయభ్రాంతి వాతావరణం నెలకొంది. అయితే ఇప్పటివరకు ఎలాంటి ప్రాణనష్టం లేదా ఆస్తినష్టం జరగలేదని అధికారులు తెలిపారు.
ఆరిలోవ, అడవివరం ప్రాంతాల్లో కూడా 4:18 గంటల సమయంలో స్వల్ప భూమి కదలికలు నమోదైనట్లు సమాచారం.
భూకంపాల విభాగం ప్రాథమిక అంచనాల ప్రకారం, ఈ ప్రకంపనలు తక్కువ తీవ్రత గలవని భావిస్తున్నారు. భూమి లోపాల మార్పుల కారణంగా ఇలాంటి కదలికలు సంభవించే అవకాశం ఉందని నిపుణులు చెబుతున్నారు.
విశాఖపట్నం తీర ప్రాంతం భూకంపాలకు కొంత సున్నితమైన ప్రాంతంగా పరిగణించబడుతుంది. అధికారులు ప్రస్తుతం పరిస్థితిని పర్యవేక్షిస్తూ, ప్రజలు ఆందోళన చెందవద్దని సూచించారు.
మొత్తానికి, స్వల్ప స్థాయి ప్రకంపనలే Earth Quake అయినా ఈ అనూహ్య ఘటన విశాఖలో భయాందోళనకు కారణమైంది
