అక్షరటుడే, వెబ్డెస్క్: Vastu Tips | మన ఇంట్లో మనం అలంకరించుకునే వస్తువులు కేవలం అందానికే కాదు, మన జీవితాల్లోని సానుకూలతకు కూడా కారణమవుతాయని వాస్తు శాస్త్రం చెబుతోంది. మనం నివసించే ప్రతి అంగుళం మన ఆలోచనలపై, ఆర్థిక స్థితిగతులపై ప్రభావం చూపుతుంది.
అందుకే, ఏ వస్తువును అయినా సరైన దిశలో ఉంచడం ద్వారా అద్భుతమైన మార్పులను చూడవచ్చని వాస్తు నిపుణులు సూచిస్తున్నారు. ముఖ్యంగా ఆర్థిక ఇబ్బందులతో సతమతమయ్యే వారికి ‘పరిగెత్తే గుర్రాల చిత్రం’ Picture of running horses ఒక గొప్ప పరిష్కారంగా మారుతుందట.
Vastu Tips | గుర్రాల ఫొటో ప్రత్యేకత ఏమిటి?
వాస్తు ప్రకారం గుర్రం అంటే వేగం, విజయం, అపారమైన శక్తికి నిదర్శనం. అందులోనూ రెండు ఎరుపు రంగు గుర్రాలు పరిగెత్తుతున్నట్లు ఉన్న ఫోటోకు విశేష ప్రాధాన్యం ఉంది. ఎరుపు రంగు మనలో ధైర్యాన్ని, ఉత్సాహాన్ని నింపుతుంది. ఈ ఫొటోను ఎరుపు రంగు ఫ్రేమ్లో అమర్చి ఇంట్లో పెట్టుకుంటే మరింత శుభ ఫలితాలు ఉంటాయని నమ్మకం.
Vastu Tips | ఏ దిశలో ఉంచాలి?
మీ ఇల్లు లేదా ఆఫీసులో ఆగ్నేయ దిశ (South-East) శక్తికి, సంపదకు మూలస్థానం. ఈ దిశలో గుర్రాల ఫొటోను ఉంచడం వల్ల ఈ క్రింది ప్రయోజనాలు పొందవచ్చు. నిలిచిపోయిన డబ్బు చేతికి అందడం, అప్పుల బాధలు తగ్గడం వంటివి జరుగుతాయి. వాయిదా పడుతున్న పనులు వేగంగా పూర్తవుతాయి. భయం, సంకోచం తగ్గి.. కొత్త నిర్ణయాలు తీసుకునే ధైర్యం కలుగుతుంది.
నియమాలు: గుర్రాలు ముందుకు దూకుతున్నట్లు ఉండాలి. అవి ఏదైనా మూలకి చూస్తున్నట్లు కాకుండా, స్వేచ్ఛగా పరిగెత్తుతున్నట్లు ఉండాలి. ఈ ఫొటో మీరు గదిలోకి రాగానే లేదా తరచూ మీ కంటపడే ప్రదేశంలో ఉండటం వల్ల సానుకూల ఆలోచనలు పెరుగుతాయి. ఈ మార్పు చేసిన సుమారు 40 నుంచి 45 రోజులలో మీ జీవితంలో సానుకూల ఫలితాలు రావడం గమనించవచ్చు.
