అక్షరటుడే, వెబ్డెస్క్: Vaikuntha ekadashi | హిందూ ధర్మంలో ఏకాదశికి ఉన్న ప్రాముఖ్యత అంతా ఇంతా కాదు. ఏడాది పొడవునా వచ్చే 24 ఏకాదశులలో ముక్కోటి ఏకాదశి అత్యంత పవిత్రమైనది. శ్రీమహావిష్ణువు గరుడ వాహనంపై ముక్కోటి దేవతలతో కలిసి భూలోకానికి తరలివచ్చే అద్భుతమైన పర్వదినం ఇది. అసలు ఈ రోజును ముక్కోటి ఏకాదశి అని ఎందుకు అంటారు? ఆ రోజు చేయాల్సిన విధివిధానాలేమిటో వివరంగా తెలుసుకుందాం.
సాధారణంగా ముక్కోటి ఏకాదశి మార్గశిర లేదా పుష్య మాసాలలో వస్తుంది. సూర్యుడు ధనుస్సు రాశిలోకి ప్రవేశించిన తర్వాత వచ్చే శుద్ధ ఏకాదశిని దీనికి ప్రామాణికంగా తీసుకుంటారు. ఈ ఏడాది తెలుగు పంచాంగం ప్రకారం డిసెంబర్ 30, 2025 (మంగళవారం) నాడు ఈ పర్వదినాన్ని జరుపుకోవాలని శాస్త్రాలు సూచిస్తున్నాయి.
విశిష్ట నామాలు: Vaikuntha ekadashi | వైకుంఠ ఏకాదశి: ఈ రోజున వైకుంఠంలోని ద్వారాలు తెరుచుకుంటాయని, భక్తులకు స్వామివారు నేరుగా దర్శనమిస్తారని నమ్మకం.
మోక్షదా ఏకాదశి: Vaikuntha ekadashi | తనను ఆరాధించిన భక్తుల పాపాలను హరించి, వారికి మోక్షాన్ని ప్రసాదిస్తాడు కాబట్టి దీనికి ఈ పేరు వచ్చింది.
ముక్కోటి ఏకాదశి: Vaikuntha ekadashi | ఈ రోజు ఒక్క విష్ణువును దర్శించుకుంటే, ఆయనతో పాటు ఉన్న మూడు కోట్ల దేవతలను దర్శించినంత ఫలితం దక్కుతుంది కాబట్టి దీనిని ముక్కోటి ఏకాదశి అంటారు.
ఉత్తర ద్వార దర్శనం: రాక్షసుల పీడ విరగడై, దేవతలు సుఖ సంతోషాలతో వైకుంఠానికి వెళ్లే సమయంలో ఉత్తర ద్వారం గుండా లోపలికి ప్రవేశించారని పురాణ గాథ. అందుకే ఈ రోజున వైష్ణవ ఆలయాలలో ప్రత్యేకంగా “వైకుంఠ ద్వారం” (ఉత్తర ద్వారం) ఏర్పాటు చేస్తారు. బ్రాహ్మీ ముహూర్తంలో ఈ ద్వారం గుండా స్వామిని దర్శించుకుంటే జన్మజన్మల పాపాలు తొలగిపోయి పుణ్యలోకాలు ప్రాప్తిస్తాయని భక్తుల విశ్వాసం.
Vaikuntha ekadashi | పాటించాల్సిన నియమాలు:
పవిత్ర స్నానాలు: సూర్యోదయానికి ముందే నదీ స్నానం చేయడం ఉత్తమం. నదులకు వెళ్లడం ఒకవేళ కుదరకపోతే, ఇంట్లోనే స్నానం చేసే నీటిలో “గంగేచ యమునేచైవ..” అని నదులను స్మరిస్తూ గంగా జలం కలుపుకుని స్నానం చేయాలి.
షోడశోపచార పూజ: పూజా మందిరంలో లక్ష్మీనారాయణులను ప్రతిష్టించి, తులసి దళాలతో అర్చించాలి. ఈ రోజు శ్రీ మహావిష్ణువుకు ఎంతో ప్రీతికరమైన చక్రపొంగలిని నైవేద్యంగా సమర్పించాలి.
పారాయణం: ఈ రోజంతా విష్ణు సహస్రనామ పారాయణ, నారాయణ కవచం లేదా భగవద్గీత పఠించడం వల్ల మనసు ప్రశాంతంగా మారుతుంది.
ఉపవాసం, జాగరణ: ఏకాదశి వ్రతంలో ఉపవాసం అత్యంత ప్రధానమైనది. ఈ రోజు బియ్యం (అన్నం), పప్పు దినుసులు తీసుకోవడం పూర్తిగా నిషిద్ధం. శారీరక శక్తి ఉన్నవారు పూర్తిగా నిరాహారంగా ఉండాలి. వీలుకాని వారు పాలు, పండ్లు తీసుకోవచ్చు. అలాగే రాత్రి సమయంలో నిద్రపోకుండా భగవన్నామ స్మరణతో జాగరణ చేయడం వల్ల రెట్టింపు ఫలితం లభిస్తుంది.
దాన ధర్మాలు: ముక్కోటి ఏకాదశి రోజున పేదలకు అన్నదానం చేయడం, వస్త్ర దానం చేయడం అత్యంత శ్రేష్టం. ఈ పవిత్ర రోజున చేసే ఏ చిన్న మంచి కార్యమైనా కోటి రెట్ల ఫలితాన్ని ఇస్తుందని బ్రహ్మాండ పురాణం వివరిస్తోంది.
