అక్షరటుడే, వెబ్​డెస్క్ : UK e-Visa | ఇతర దేశాలకు వెళ్లాలంటే పాస్​పోర్టు (Pass Port)తో పాటు వీసా తప్పనిసరి. భారత్​ నుంచి కొన్ని దేశాలకు వీసా (Visa) లేకున్నా ప్రయాణించే అవకాశం ఉన్నా చాలా దేశాలకు వీసా ఉంటేనే అనుమతిస్తారు. ప్రస్తుతం అప్లై చేసుకున్నా వీసా పత్రాలు అందిస్తారు. అయితే ఇంగ్లాండ్​ వీసాల జారీల కీలక మార్పులు చేసింది. ప్రస్తుతం అందిస్తున్న వీసా స్థానంలో ఈ–వీసా జారీ చేయాలని నిర్ణయించింది. జులై 15 నుంచి దేశంలో ఈ–వీసా అమలులోకి రానుంది.

మన దేశం నుంచి ఎంతో మంది యూనైటెడ్​ కింగ్​డమ్ ​(United Kingdom) వెళ్తుంటారు. అందులో ఉన్నత చదువుల నిమిత్తం వెళ్లే విద్యార్థులు సైతం అధిక సంఖ్యలో ఉంటారు. అయితే యూకే ప్రభుత్వం (UK Government) తాజాగా వీసాల జారీలో మార్పులు తీసుకు రావడంతో ఆ దేశానికి వెళ్లాలనుకునే వారు కొత్త రూల్స్​ తెలుసుకోవాల్సి ఉంటుంది. ఈ నెల 15 నుంచి యూకే ఏ వీసాలు తీసుకోవాలన్నా.. పాస్​పోర్టుతో ఈ‌‌ వీసా లింక్​ అయి డిజిటల్​ విధానంలో కొనసాగనుంది. ఇమిగ్రేషన్ ప్రక్రియ (Immigration Process)ను గాడిన పెట్టేందుకు కొత్త విధానం అమలు చేస్తున్నట్లు అధికారులు తెలిపారు.

UK e-Visa | ఫిజికల్​ వీసా స్టిక్కర్ల స్థానంలో..

ప్రస్తుతం యూకే ప్రభుత్వం ఫిజికల్​ వీసా స్టిక్కర్లు (Physical Visa Stickers) జారీ చేస్తోంది. మంగళవారం నుంచి అవి ఉండవు. ఈ–వీసా జారీ చేస్తారు. దీనికోసం యూకే వెళ్లేవారు డిజిటల్, ప్రొసీజరల్ అంశాలను ప్రయాణానికి ముందే సరిచూసుకోవాలని పలువురు పేర్కొంటున్నారు.

వీసా విగ్నెట్​ స్థానంలో ఈ–వీసా(e- Visa) జారీ అవుతుందని తెలిపారు. కొత్త విధానంలో యూకే వెళ్లిన వారు తమ పాస్​పోర్ట్​ అప్​డేట్ ​(Passport Update)ను ఎప్పటికప్పుడు అందిస్తూ ఉండాలి. ఈ –వీసా పాస్​నంబర్లకు అనుసంధానం అవుతుంది. దీంతో సేవలు మరింత సులభతరం అవుతాయని యూకే అధికారులు తెలిపారు.

UK e-Visa | ఖాతా తెరవాల్సిందే..

యూకే వెళ్లే విద్యార్థులు (Students) యూకేవీఐ (యూకే వీసా, ఇమ్మిగ్రేషన్​) ఖాతాను తెరవాల్సి ఉంటుంది. ఈ అకౌంట్​ ద్వారానే ఈ – వీసాను నిర్వహించాలి. వీసా వివరాలు, ఇతర అప్​డేట్లు, ఇమిగ్రేషన్ స్టేటస్ సమాచారం ఆయా కంపెనీలు, విద్యాసంస్థలకు అందజేయడానికి ఈ విధానం ఉపయోగపడుతుందని అధికారులు తెలిపారు. అలాగే విద్యార్థులు ఇంగ్లాండ్ ​(England)లో బస చేసేందుకు, కోర్సుల్లో చేరే సమయాల్లో కూడా వారు యూకేఐవీ తనిఖీ చేసే అవకాశం కల్పించారు. కంపెనీలు, ఇళ్లను అద్దెకిచ్చేవారు, విశ్వవిద్యాలయాలు(Universities) కూడా యూకేవీఐ ఖాతాను చేయొచ్చు.