అక్షరటుడే, వెబ్డెస్క్: UK Visa Rules | చాలామంది భారతీయులు(Indians) విదేశాలలో చదవడానికి ఎంతో ఆసక్తి చూపుతున్న విషయం మనకు తెలిసిందే. వ్యయ ప్రయాసలకోర్చి మరీ వారి పిల్లలను చదివించేందుకు ఆసక్తి చూపుతున్నారు. మరోవైపు కొందరు భారతీయులు విదేశాలలో చదవడానికి, ఉద్యోగం చేయడానికి ఇంట్రెస్ట్ చూపిస్తున్నారు. అయితే బ్రిటన్(Britan) వెళ్లేందుకు తప్పక కొన్ని నియమాలు పాటించాల్సి ఉంటుంది. సాధారణంగా విదేశాల్లో మన భారతీయుల సంఖ్య ఎక్కువగానే ఉంటుంది. అయితే, తమ దేశంలో విదేశీయుల సంఖ్యను తగ్గించడమే ప్రధాన లక్ష్యంగా బ్రిటన్ ప్రభుత్వం(British Government) కసరత్తులు చేస్తున్నట్టు తెలుస్తోంది. ఉద్యోగాలు, చదువులకు సంబంధించి UK ప్రధాన మార్పులు చేసింది.
UK Visa Rules | ఈ నిబంధనలు తప్పనిసరి..
బ్రిటిష్ ప్రధాన మంత్రి కీర్ స్టార్మర్(British Prime Minister Keir Starmer) ఇమ్మిగ్రేషన్ నిబంధనలలో పెద్ద మార్పులను ప్రకటించారు. దీని కారణంగా, బ్రిటన్లో చదువుకోవడం, పనిచేయడం ఇప్పుడు గతంలో కంటే మరింత కష్టతరంగా మారింది. UK విద్యార్థి వీసా లేదా వర్క్ వీసా పొందడం గురించి ఆలోచించే భారతీయులకు పరిస్థితులు ఇప్పుడు చాలా క్లిష్టంగా మారాయి. దేశంలో విదేశీయుల సంఖ్యను తగ్గించడమే ఆ ప్రభుత్వ ప్రధాన లక్ష్యమని, దీని కారణంగా కొత్త ఇమ్మిగ్రేషన్ నియమాలు(Immigration Rules) ప్రవేశపెట్టారని తెలుస్తోంది. ఇప్పుడు డిగ్రీ స్థాయి అర్హత ఉన్న విదేశీ కార్మికులకు మాత్రమే నైపుణ్యం కలిగిన వర్క్ వీసా లభిస్తుంది. UK వెలుపల ఉన్న అగ్రశ్రేణి విశ్వవిద్యాలయాల నుండి చదువుతున్న విద్యార్థులకు వర్క్ వీసా మంజూరు చేయడానికి కొత్త రూల్స్ ప్రకటించేందుకు ప్రభుత్వం పరిశీలిస్తోంది.
గతంలో బ్రిటన్లో ‘నిరవధిక సెలవు’ ILR పొందడానికి దేశంలో ఐదు సంవత్సరాలు నివసించాల్సి ఉండేది. ప్రభుత్వం ఇప్పుడు ఈ కాలాన్ని 10 సంవత్సరాలకు పెంచింది. సరళంగా చెప్పాలంటే, బ్రిటన్లో శాశ్వత నివాసం PR పొందడానికి, దేశంలో 10 సంవత్సరాలు నివసించాలి. బ్రిటన్లో చదువుతున్న విద్యార్థులు గ్రాడ్యుయేట్ వీసా(Graduate Visa) పొందుతారు, దీనిని పోస్ట్-స్టడీ వర్క్ వీసా(Post-study work visa) అని కూడా పిలుస్తారు. దీని ద్వారా, విదేశీ విద్యార్థులు గ్రాడ్యుయేషన్ తర్వాత రెండు సంవత్సరాలు దేశంలో పని చేయవచ్చు, ఇది ఇప్పుడు 18 నెలలకు తగ్గించబడింది. ఇంగ్లాండ్లోని విశ్వవిద్యాలయాలు(England Universities) విదేశీ విద్యార్థుల ట్యూషన్ ఫీజుల నుండి సంపాదించే ఆదాయంపై 6 శాతం పన్ను విధించాలని కూడా ప్రభుత్వం యోచిస్తోంది. ఈ డబ్బును ఉన్నత విద్య, నైపుణ్య వ్యవస్థ కోసం ఉపయోగిస్తారు. బ్రిటన్ అధికారిక భాష ఇంగ్లీష్ కాగా, కొత్త నిబంధనల ప్రకారం, అన్ని రకాల వర్క్ వీసాలకు ఇంగ్లీష్ భాషా నిబంధన ఉంటుంది. వీసాదారులు తప్పనిసరిగా ఇంగ్లీష్ తెలుసుకోవాలి. బ్రిటన్లో స్థిరపడాలని లేదా వీసా వ్యవధిని పొడిగించాలని ఆలోచిస్తున్న వ్యక్తులు తమ ఇంగ్లీష్ భాషపై పట్టు ఉండాలని ఆ ప్రభుత్వం చెబుతోంది.
