అక్షరటుడే, వెబ్​డెస్క్ : TVS Ntorq 125 | ద్విచక్ర వాహనాల మార్కెట్​లో ఇప్పటికే టీవీఎస్ (TVS)​ కంపెనీ దూసుకు పోతుంది. ప్రజల అభిరుచులు, అవసరాలకు అనుగుణంగా కొత్త కొత్త మోడళ్ల (New Models)ను మార్కెట్​లోకి విడుదల చేస్తోంది. తాజాగా మార్వెల్ అవెంజర్స్ స్ఫూర్తితో టీవీఎస్ ఎన్‌టార్క్ 125  సూపర్ సోల్జర్ ఎడిషన్‌ను కంపెనీ ఆవిష్కరించింది.

ద్విచక్ర, త్రిచక్ర వాహనాల తయారీలో టీవీఎస్​ మోటార్ కంపెనీ ఇప్పటికే టాప్​లో ఉంది. తాజాగా మార్వెల్ సినిమా ఐకానిక్ సూపర్ హీరో కెప్టెన్ అమెరికా నుంచి ప్రేరణ పొంది టీవీఎస్ ఎన్‌టార్క్ 125 సూపర్ సోల్జర్ ఎడిషన్‌ను ప్రారంభించినట్లు కంపెనీ ప్రకటించింది. ప్రస్తుత యువతను ఆకర్షించడానికి కొత్త మోడల్​ను అందుబాటులోకి తెచ్చినట్లు తెలిపింది. సూపర్​ హీరోల లుక్​లో ఈ బైక్​ యువతను ఆకట్టుకుంటుందని కంపెనీ భావిస్తోంది.

TVS Ntorq 125 | ప్రత్యేకతలు తెలుసుకుందామా..

TVS NTORQ 125 దేశంలో మొట్టమొదటి బ్లూటూత్-కనెక్ట్ చేయబడిన SMART స్కూటర్. స్పోర్ట్స్​ స్టైల్​లో దీనిని తయారు చేశారు. దీని ధర రూ.98,117(ఎక్స్-షోరూమ్ ఢిల్లీ). ఈ స్కూటర్​ పెట్రోల్​ ట్యాంక్​ కెపాసిటీ 5.8 లీటర్లు. లీటర్​కు 48.5 కిలో మీటర్ల మైలేజ్​ ఇస్తుంది. అత్యధికంగా 95 కిలోమీటర్ల వేగంతో వెళ్లవచ్చు. పూర్తిగా డిజిటల్​ డిస్​ప్లే దీని ప్రత్యేకత. డిస్క్​ బ్రేక్​ సౌకర్యం ఉంది. ఈ నెల నుంచి అన్ని టీవీఎస్​ డీలర్‌షిప్‌లలో ఈ బండి అందుబాటులో ఉంటుందని కంపెనీ ప్రకటించింది.