అక్షరటుడే, వెబ్డెస్క్: Trump tariff | అమెరికా అధ్యక్షుడు డొనాల్డ్ ట్రంప్ America President Donald Trump ప్రపంచవ్యాప్తంగా విధించిన సుంకాలను శుక్రవారం యూఎస్ సుప్రీంకోర్టు US Supreme Court రద్దు చేసిన తర్వాత, అనేక దేశాలు, ఆర్థిక నిపుణులు స్పందించారు.
తనకు వ్యతిరేకంగా తీర్పునిచ్చిన న్యాయమూర్తులను “మన రాజ్యాంగానికి నమ్మకద్రోహులు”, “లాప్డాగ్లు” అని ట్రంప్ అభివర్ణించడం సరికాదని ప్రపంచ దేశాలు ఖండించాయి.
కాగా, సుప్రీంకోర్టు తీర్పు తర్వాత, విదేశీ వస్తువులపై 10% సుంకం విధిస్తూ.. కార్యనిర్వాహక ఉత్తర్వుపై ట్రంప్ సంతకం చేశారు. ఓవల్ కార్యాలయంలో శుక్రవారం సదరు ఉత్తర్వుపై సంతకం చేశారు. అయితే, శనివారం, సదరు సుంకాలను 15 శాతానికి పెంచడం గమనార్హం.
Trump tariff | చీఫ్ జస్టిస్ ఏమన్నారంటే..
సుప్రీంకోర్టు తీర్పులో చీఫ్ జస్టిస్ జాన్ రాబర్ట్స్ Chief Justice John Roberts ఈ విధంగా రాసుకొచ్చారు. అధ్యక్షుడు ట్రంప్ తన చట్టపరమైన అధికారాలను మీరారని అన్నారు. అలా చేయాలంటే ట్రంప్నకు “స్పష్టమైన కాంగ్రెస్ అనుమతి” అవసరమని రాబర్ట్స్ పేర్కొన్నారు.
1977 చట్టాన్ని ఉపయోగించి, అంతర్జాతీయ అత్యవసర ఆర్థిక అధికారాల చట్టం (IEEPA) ద్వారా సుమారు అన్ని వాణిజ్య భాగస్వాముల నుంచి దిగుమతి చేసుకున్న వస్తువులపై అమెరికా కాంగ్రెస్ ఆమోదం పొందకుండానే ట్రంప్ పన్నులు విధించారు.
సుప్రీంకోర్టు తీర్పు తర్వాత విదేశీ వస్తువులపై ట్రంప్ శుక్రవారం 10% ప్రపంచ సుంకాన్ని విధిస్తూ కార్యనిర్వాహక ఉత్తర్వుపై సంతకం చేశారు. తర్వాత శనివారం దానిని 15 శాతానికి పెంచారు.
