అక్షరటుడే, వెబ్డెస్క్:Trump Comments | అమెరికా అధ్యక్షుడు డోనాల్డ్ ట్రంప్ (Donald Trump) కీలక వ్యాఖ్యలు చేశారు. తాను ఎంతకాలం బతికి ఉంటానో తెలియదని ఆయన అన్నారు. తనపై జరుగుతున్న హత్యాయత్నాలపై స్పందిస్తూ ఆయన ఈ విధంగా స్పందించారు.
ఫ్లోరిడా (Florida)లోని ట్రంప్ నివాసంలోకి శనివారం ఓ దుండగుడు ప్రవేశించిన విషయం తెలిసిందే. తుపాకీ పట్టుకొని వచ్చిన అతడిని గుర్తించిన భద్రతా సిబ్బంది కాల్చి చంపారు. ఈ ఘటనపై స్పందిస్తూ.. “నేను ఎంతకాలం ఉంటానో తెలియదు” అని ట్రంప్ అన్నారు. “నా కోసం చాలా మంది కాల్పులు జరుపుతున్నారు, కాదా?” అని పేర్కొన్నారు. 2024 ఎన్నికల ప్రచారంలో రెండు సార్లు ట్రంప్పై హత్యాయత్నం జరిగింది. ఓ సారి ఆయన చెవిని తాకుతూ బుల్లెట్ దూసుకెళ్లింది.
Trump Comments | వారినే లక్ష్యంగా..
దుండగులు విజయాలు సాధించే అధ్యక్షులనే లక్ష్యంగా చేసుకుంటారని ట్రంప్ అన్నారు. గతంలో హత్యకు గురైన ఇద్దరు అధ్యక్షులు అబ్రహం లింకన్ (Abraham Lincoln), జాన్ ఎఫ్. కెన్నెడీ (John F. Kennedy)లను ఆయన ఉదాహరణలుగా ప్రస్తావించారు. ఎన్ని బెదిరింపులకు పాల్పడినా తాను వెనక్కి తగ్గనని స్పష్టం చేశారు. కాగా ట్రంప్ నివాసంలోకి చొరబడిన వ్యక్తిని నార్త్ కరోలినాకు చెందిన 21 ఏళ్ల ఆస్టిన్ టక్కర్ మార్టిన్గా అధికారులు గుర్తించారు. మార్టిన్ పామ్ బీచ్ ఎస్టేట్ ఉత్తర ద్వారం నుంచి తెల్లవారుజామున 1:30 గంటలకు (స్థానిక సమయం) కారులో ప్రయాణించాడని యూఎస్ సీక్రెట్ సర్వీస్ (US Secret Service) ఏజెంట్లు తెలిపారు. అతడి వద్ద ఒక షాట్గన్ మరియు పెట్రోల్ డబ్బా ఉందని అధికారులు తెలిపారు.
