Nizamabad | ఆభరణాల తయారీపై స్వర్ణకారులకు శిక్షణ

అక్షరటుడే, వెబ్​డెస్క్ : Nizamabad | ఆభరణాల తయారీపై నగరంలోని స్వర్ణకారులకు శిక్షణ ఇస్తున్నట్లు విశ్వబ్రాహ్మణ నగర స్వర్ణకార సంఘం అధ్యక్షుడు గుత్ప సదానంద తెలిపారు. స్వర్ణకారులు హెచ్​యూఐడీ హాల్ మార్కింగ్ (Hallmarking) ఆభరణాలు తయారు చేసే విధంగా శిక్షణ కార్యక్రమం నిర్వహిస్తున్నట్లు తెలిపారు.

బ్యూరో ఆఫ్​ ఇండియన్​ స్టాండర్డ్స్ (BIS)​ ఆధ్వర్యంలో విశ్వబ్రాహ్మణ నగర స్వర్ణకార సంఘం, నిజామాబాద్​ కార్పొరేషన్​ సంయుక్తంగా ఈ కార్యక్రమం నిర్వహిస్తున్నట్లు పేర్కొన్నారు. నగరంలోని మర్వాడిగల్లిలో గల ధర్మకాంట కాంప్లెక్స్​లో గురువారం, శుక్రవారం శిక్షణ ఉంటుందన్నారు. స్వర్ణకారులు ఈ కార్యక్రమాన్ని సద్వినియోగం చేసుకోవాలని ఆయన సూచించారు.