అక్షరటుడే, బాల్కొండ: Sriramsagar | శ్రీరాంసాగర్ ప్రాజెక్టుకు వరద పోటెత్తుతోంది. జిల్లాలో జోరుగా వర్షాలు (Heavy Rains) కురుస్తున్నాయి. అలాగే ఎగువన ఉన్న మహారాష్ట్రలో సైతం వర్షాలు కురుస్తుండడంతో ప్రాజెక్టుకు భారీగా వరద (heavy flood) వచ్చి చేరుతోంది.
Sriramsagar | ప్రాజెక్టు 39 గేట్లు ఎత్తి..
వరద పోటెత్తుతుండడంతో ప్రాజెక్టుకు 3,15,486 క్యూసెక్కుల ఇన్ఫ్లో (Inflow) వస్తోంది. దీంతో 39 గేట్లు ఎత్తి దిగువకు 3,15,486 క్యూసెక్కుల నీటిని వదులుతున్నారు. పరీవాహక ప్రాంత ప్రజలు అప్రమత్తంగా ఉండాలని అధికారులు సూచిస్తున్నారు. పశువుల కాపరులు, చేపలు పట్టేవారు, రైతులు, ప్రజలు నది దాటే ప్రయత్నం చేయవద్దని ప్రాజెక్టు ఏఈఈ కొత్తరవి సూచించారు.
Sriramsagar | నిండుకుండాల ప్రాజెక్టు..
ప్రాజెక్టు పూర్తి నీటిమట్టం 1,091 అడుగులు (80.5 టీఎంసీలు) కాగా.. 1082.00 అడుగుల (50.05 టీఎంసీ) మేర నీరు నిల్వ ఉంది. దీంతో అధికారులు ఎప్పటికప్పుడు ప్రాజెక్టు నీటిమట్టం ఆధారంగా నీటిని దిగువకు వదులుతున్నారు.
Sri Ramsagar | కాల్వల ద్వారా నీటి విడుదల..
ప్రాజెక్టులోకి భారీగా వరద నీరు వచ్చి చేరుతుండడంతో 39 గేట్ల నుంచి దిగువకు నీటిని వదులుతున్నారు. అలాగే కాలువ ద్వారా నీటిసరఫరా కొనసాగుతోంది. వరద కాలువ ద్వారా 5,834 వేల క్యూసెక్కులు, కాకతీయ కాలువ ద్వారా 5,500 క్యూసెక్యులు, మిషన్ భగీరథకు (Mission Bhagiratha) 231 క్యూసెక్కులు వదులుతున్నారు. 561 క్యూసెక్కులు ఆవిరి అవుతోంది. అలాగే సరస్వతి కాలువ నుంచి 400 క్యూసెక్కుల నీరు, లక్ష్మి కాలువ నుంచి 100 క్యూసెక్కులు, అలీసాగర్ లిఫ్ట్కు 360 క్యూసెక్కులు వదులుతున్నారు.
