TPCC | సమష్టిగా కాంగ్రెస్​ను ముందుకు తీసుకెళ్తాం..

అక్షరటుడే, కామారెడ్డి: TPCC | పార్టీ బలోపేతం దిశగా అందరిని కలుపుకుని సమష్టిగా ముందుకు వెళ్తామని టీపీసీసీ జనరల్ సెక్రెటరీ (TPCC General Secretary) గడ్డం చంద్రశేఖర్ రెడ్డి స్పష్టం చేశారు. బుధవారం తన నివాసంలో ఏర్పాటు చేసిన మీడియా సమావేశంలో ఆయన మాట్లాడారు. తనపై నమ్మకంతో పార్టీ ఇచ్చిన పదవిని న్యాయం చేస్తానన్నారు. అసెంబ్లీ ఎన్నికలకు ముందు బీఆర్ఎస్ నుంచి కాంగ్రెస్​లో చేరిన మొదటి వ్యక్తిని తానేనని తెలిపారు. ఎన్నికల అనంతరం మున్సిపల్ ఛైర్మన్​గా, ప్రస్తుతం టీపీసీసీ జనరల్ సెక్రెటరీగా పార్టీ తనకు సముచిత స్థానం ఇచ్చిందన్నారు. పార్టీలో ఎలాంటి విభేదాలు లేవని, పార్టీ లైన్ దాటి పోయేది లేదని స్పష్టం చేశారు. తనకు టీపీసీసీ సెక్రెటరీగా అవకాశం కల్పించిన సీఎం రేవంత్ రెడ్డి(CM Revanth Reddy), టీపీసీసీ అధ్యక్షుడు మహేష్ కుమార్ గౌడ్ (TPCC President Mahesh Kumar Goud), ప్రభుత్వ సలహాదారు షబ్బీర్ అలీ (Government Advisor Shabbir Ali), ఎమ్మెల్యేలకు కృతజ్ఞతలు తెలిపారు. సమావేశంలో మాజీ కౌన్సిలర్లు, నాయకులు పాల్గొన్నారు.