అక్షరటుడే, హైదరాబాద్: Mobile Charging | మొబైల్ ఫోన్.. మన జీవితంలో ఒక ముఖ్యమైన భాగం. అయితే, బ్యాటరీ త్వరగా అయిపోవడం చాలామందికి ఒక పెద్ద సమస్యగా మారింది. కొత్త ఫోన్ తీసుకున్న కొద్ది నెలలకే బ్యాటరీ లైఫ్ (battery life) తగ్గిపోవడంతో ఇబ్బందులు పడుతుంటారు. బ్యాటరీ త్వరగా అయిపోకుండా ఉండాలంటే, కొన్ని సింపుల్ చిట్కాలను (Tips) పాటించడం ద్వారా ఈ సమస్యను నివారించవచ్చు.
1. అనవసరమైన ఫీచర్లను ఆఫ్ చేయండి
జీపీఎస్, బ్లూటూత్, వై-ఫై, మొబైల్ డేటాను అవసరం లేనప్పుడు ఆన్ చేసి ఉంచడం వల్ల బ్యాటరీ వేగంగా ఖర్చు అవుతుంది. ఈ ఫీచర్లను వాడనప్పుడు ఆఫ్ చేయడం వల్ల బ్యాటరీ లైఫ్‌ను గణనీయంగా పెంచుకోవచ్చు.
2. స్క్రీన్ బ్రైట్‌నెస్ తగ్గించండి
మొబైల్ స్క్రీన్ బ్రైట్‌నెస్ (mobile screen brightness) ఎక్కువగా ఉంటే, బ్యాటరీ త్వరగా అయిపోతుంది. అందుకే, స్క్రీన్ బ్రైట్‌నెస్‌ను(Screen Brightness) తక్కువగా ఉంచండి. అలాగే, ఆటో-బ్రైట్‌నెస్ ఫీచర్‌ను ఆన్ చేసుకోవడం వల్ల పరిసరాల్లోని వెలుగుకు అనుగుణంగా బ్రైట్‌నెస్ ఆటోమేటిక్‌గా అడ్జస్ట్ అవుతుంది. ఇది బ్యాటరీని ఆదా చేస్తుంది.
3. బ్యాక్‌గ్రౌండ్ యాప్‌లను క్లోజ్ చేయండి
మనం ఉపయోగించనప్పుడు కూడా కొన్ని యాప్‌లు బ్యాక్‌గ్రౌండ్‌లో నడుస్తూ ఉంటాయి. ఇది బ్యాటరీని(Phone Battery) ఎక్కువగా ఖర్చు చేస్తుంది. అందుకే, వాడని యాప్‌లను బ్యాక్‌గ్రౌండ్‌లో నుంచి తీసివేయడం మంచిది. అలాగే, యాప్‌ల ఆటో-సింక్‌ను ఆఫ్ చేయడం వల్ల కూడా బ్యాటరీ ఆదా అవుతుంది.
4. పవర్ సేవింగ్ మోడ్ వాడండి
బ్యాటరీ తక్కువగా ఉన్నప్పుడు, మీ స్మార్ట్‌ఫోన్‌లో ఉండే ‘బ్యాటరీ సేవర్’ (battery saver) లేదా ‘పవర్ సేవింగ్ మోడ్’ను (power saving mode) ఆన్ చేయండి. ఈ మోడ్ ఆన్ చేసినప్పుడు, ఫోన్ పనితీరు కాస్త తగ్గినప్పటికీ, బ్యాటరీ లైఫ్ పెరుగుతుంది. ఇది అత్యవసర సమయాల్లో చాలా ఉపయోగపడుతుంది.
5. సాఫ్ట్‌వేర్ అప్‌డేట్స్ ముఖ్యం
ఫోన్ ఆపరేటింగ్ సిస్టమ్ (OS), అందులో ఇన్‌స్టాల్ అయిన యాప్‌లను ఎప్పటికప్పుడు అప్‌డేట్ చేయడం ముఖ్యం. అప్‌డేట్స్‌లో బ్యాటరీ ఆప్టిమైజేషన్ (battery optimizations), బగ్ ఫిక్స్‌లు ఉంటాయి. ఇవి బ్యాటరీ లైఫ్‌ను మెరుగుపరచడానికి సహాయపడతాయి. ఈ చిట్కాలను పాటించడం ద్వారా మీ ఫోన్ బ్యాటరీ లైఫ్‌ను పెంచుకోవచ్చు.