అక్షరటుడే, వెబ్డెస్క్ :Tirumala Ghat Road Accident | తిరుమల ఘాట్ రోడ్డులో ప్రమాదం చోటు చేసుకుంది. ఓ బైక్ అదుపు తప్పి కిందపడింది. ఈ ఘటనలో ఒకరు మృతి చెందారు.
తమిళనాడు (Tamilnadu)కు చెందిన ఇద్దరు రైడర్లు బైక్పై తిరుమల వచ్చారు. ఈ క్రమంలో తిరుమల మొదటి ఘాట్ రోడ్డులో ప్రమాదం చోటు చేసుకుంది. బారికేడ్ని ఢీకొట్టి రోడ్డు అవతల వారు పడిపోయారు. ఈ ఘటనలో ఒకరు మృతి చెందగా.. మరో భక్తుడికి తీవ్ర గాయాలు అయ్యాయి. 30వ మలుపు దగ్గర ప్రమాదం చోటు చేసుకుంది. మృతుడిని తమిళనాడుకు చెందిన నటరాజన్గా గుర్తించారు. గాయపడ్డ వ్యక్తిని తిరుపతి స్విమ్స్ (Tirupati Swims)కు తరలించారు.
Tirumala Ghat Road Accident | ట్రాక్టర్ను ఢీకొన్న బైక్
ట్రాక్టర్ను బైక్ ఢీకొన్న ఘటన సూర్యాపేట జిల్లాలో బుధవారం చోటు చేసుకుంది. ట్రాక్టర్ డ్రైవర్ సడెన్గా మలుపు తీసుకోవడం, బైక్ వేగంగా ఉండటంతో ప్రమాదం జరిగింది. సూర్యాపేట జిల్లా (Suryapet District) చింతలపాలెం మండలం దొండపాడు శివారులో ఈ ఘటన చోటు చేసుకోగా.. బైక్పై ఉన్న ఇద్దరు యువకులకు గాయాలు అయ్యాయి. క్షతగాత్రులు దొండపాడు గ్రామానికి చెందిన కిరణ్, సాయిగా గుర్తించారు.
