అక్షరటుడే, వెబ్డెస్క్: Army College | సికింద్రాబాద్ ఆర్మీ కాలేజీ(Secunderabad Army College)లోకి దుండగులు చొరబడ్డారు. నకిలీ ఐడీ కార్డు(Fake ID card)లతో కాలేజీ ఆవరణలోకి ప్రవేశించి వీడియోలు తీశారు. వారు ఆర్మీ యూనిఫాం(Army uniform) వేసుకొని రావడంతో తనిఖీ చేయకుండానే లోనికి అనుమతించారు. ఇద్దరు యువకులు, ఇద్దరు యువతులు కాలేజీలోకి ప్రవేశించి వీడియోలు తీశారు.
వింగ్ కమాండర్ రజత్ కుమార్ మిశ్రా(Wing Commander Rajat Kumar Mishra) పేరు ఉన్న ఐడీతో వారు లోనికి రావడం గమనార్హం. అనుమానాస్పదంగా కనిపించడంతో క్విక్ రియాక్షన్ టీం(Quick Reaction Team) వారిని పట్టుకొని విచారించింది. యువకుల గుర్తింపు కార్డులు నకిలీవిగా గుర్తించారు. వారిని అదుపులోకి తీసుకున్న కాలేజీ సిబ్బంది తిరుమలగిరి పోలీసులకు(Tirumalagiri Police) అప్పగించారు. ఈ మేరకు నలుగురిపై పోలీసులు కేసు నమోదు చేశారు.
