Drunk Drive Test | మద్యం తాగి వాహనం నడిపిన ముగ్గురికి జైలు

అక్షరటుడే, నిజామాబాద్ సిటీ: Drunk Drive Test | మద్యం తాగి వాహనం నడిపిన ముగ్గురికి న్యాయస్థానం జైలుశిక్ష విధించింది. ఐదో టౌన్ ఎస్సై గంగాధర్ (SI gangadhar) తెలిపిన వివరాల ప్రకారం.. నగరంలోని ఐదో టౌన్ పోలీస్ స్టేషన్ పరిధిలో సోమవారం సాయంత్రం వాహనదారులకు డ్రంకన్​ డ్రైవ్​ టెస్టులు చేపట్టారు. అయితే ముగ్గురు వాహనదారులు మద్యం తాగి పట్టుబడ్డారు.

దీంతో మంగళవారం ఉదయం వీరిని మార్నింగ్ కోర్టులో (Morning Court) హాజరుపర్చగా.. శివాజీనగర్​కు (Shivajinagar) చెందిన కరుణాకర్, నాగారం ప్రాంతానికి చెందిన మజార్ అలీకి నాలుగు రోజుల జైలుశిక్ష, ఖిల్లారోడ్డు ప్రాంతానికి చెందిన జనార్దన్​కు రెండు రోజుల జైలుశిక్ష విధిస్తూ జిల్లా సెకండ్ క్లాస్ మెజిస్ట్రేట్ తీర్పునిచ్చారు.