Lingampet | కరెంట్​ షాక్​తో మూడు గేదెలు మృతి

అక్షరటుడే, లింగంపేట : Lingampet | లింగంపేట మండలం భవానిపేట గ్రామ (Bhawanipet village) శివారులో కరెంట్ షాక్​తో (electric shock)​ మూడు గేదెలు మృతి చెందినట్లు లైన్​మన్ పాండు తెలిపారు.

మాదిగ బాలయ్య పొలం వద్ద బోరు మోటార్​కు సంబంధించిన సర్వీస్ వైరు తెగిపోయి ఫినిషింగ్ వైర్​పై పడింది. ఆ వైరుకు విద్యుత్​ సరఫరా కావడంతో ప్రమాదవశాత్తు దానికి తాకిన గేదేలు మృతి చెందాయి. ఆకుల సురేందర్ , గుండ్ర సత్యనారాయణ, గుండ్ర పరందాములు గేదెలు మృతి చెందినట్లు ఆయన తెలిపారు. రూ.3 లక్షల మేర నష్టం జరిగిందని బాధితులు వాపోయారు. ప్రభుత్వం ఆదుకోవాలని కోరారు.