Hyderabad | రోగిపై వార్డుబాయ్​ అత్యాచారయత్నం

అక్షరటుడే, వెబ్​డెస్క్: Hyderabad | కామాంధులు రెచ్చిపోతున్నారు. మహిళలు కనిపిస్తే చాలు అఘాయిత్యాలకు పాల్పడుతున్నారు. ఆస్పత్రిలో చికిత్స పొందుతున్న రోగులను సైతం వదలడం లేదు.

మహిళలకు బయటే కాదు ఆస్పత్రిలో సైతం భద్రత లేకుండా పోయింది. హైదరాబాద్​లోని విద్యానగర్​లో గల ఆంధ్ర మహిళా సభ ఆస్పత్రిలో (Andhra Mahila Sabha Hospital) దారుణ ఘటన చోటు చేసుకుంది. హాస్పిటల్​లో చికిత్స పొందుతున్న రోగిపై వార్డు బాయ్​ (ward boy) అత్యాచార యత్నం చేశాడు. దీంతో ఆమె కేకలు వేయడంతో సిబ్బంది అప్రమత్తం అయ్యారు. అక్కడే ఉన్న రోగి కుటుంబ సభ్యులు సదరు వార్డు బాయ్​ను చితక బాదారు. అనంతరం నల్లకుంట పోలీస్​ స్టేషన్​లో ఫిర్యాదు చేశారు. ఈ మేరకు కేసు నమోదు చేసిన పోలీసులు నిందితుడిని అదుపులోకి తీసుకొని విచారిస్తున్నారు.