అక్షరటుడే, వెబ్​డెస్క్:Raghunandan Rao | బీఆర్​ఎస్​ను బీజేపీలో విలీనం చేయాలని చూస్తున్నారని ఎమ్మెల్సీ కల్వకుంట్ల కవిత(MLC Kavitha) వ్యాఖ్యానించిన విషయం తెలిసిందే. కవిత వ్యాఖ్యలపై బీజేపీ నేత, మెదక్​ ఎంపీ రఘునందన్​రావు(MP Raghunandan Rao) మరోసారి స్పందించారు. రాష్ట్రంలో బీజేపీ బలపడుతోందని ఆయన తెలిపారు. బీజేపీ ఎదుగుదలను చూసి ఓర్వలేక కుట్రలు పన్నుతున్నారని ఆయన విమర్శించారు.

Raghunandan Rao | కవిత కొత్త పార్టీ పెడతారు

ఎమ్మెల్సీ కవిత(MLC Kavitha) కొత్త పార్టీ పెడతారని రఘునందన్​ అన్నారు. ఈ మేరకు తనకు సమాచారం ఉందని ఆయన తెలిపారు. బీఆర్​ఎస్​ బలహీనపడాలి అనుకునేవాళ్లే కవిత వెనక ఉన్నారని ఆయన సంచలన వ్యాఖ్యలు చేశారు. వారే ఆమెతో మాట్లాడిస్తున్నారని వ్యాఖ్యానించారు.

Raghunandan Rao | ఆమె చెల్లని రూపాయి..

కవిత, కేటీఆర్‌(KTR)కు ఎలాంటి బ్రాండ్ లేదని మెదక్​ ఎంపీ అన్నారు. కవిత చెల్లని రూపాయి అయిపోయారని, చెల్లని రూపాయికి బ్రాండింగ్ చేసే ప్రక్రియ జరుగుతోందని ఎద్దేవా చేశారు. కవిత జాగృతి పెట్టకముందు తెలంగాణ(Telangana)లో బతుకమ్మ ఆడలేదా అని రఘునందన్​రావు ప్రశ్నించారు.

Raghunandan Rao | కన్ఫ్యూజన్‌ క్రియేట్ చేయడానికే..

రాష్ట్రంలో బీజేపీ ఒంటరిగా బలపడుతోందని ఆయన తెలిపారు. బీఆర్​ఎస్​ బలహీనం అయిపోయిందన్నారు. ఎంపీ ఎన్నికల్లో ఒక్క సీటు కూడా గెలవకపోవడం ఇందుకు నిదర్శనమని ఆయన అన్నారు. అభ్యర్థులు లేక ఎమ్మెల్సీ ఎన్నికల్లో గులాబీ పార్టీ పోటీ చేయలేదని ఎద్దేవా చేశారు. ఇప్పుడు సొంతంగా ఎదుగుతున్న బీజేపీని చూసి కేడర్​లో కన్ఫ్యూజన్‌ క్రియేట్ చేయడానికి చూస్తున్నారని ఆగ్రహం వ్యక్తం చేశారు. బీఆర్ఎస్ విలీనం కోసం ఎవరు అడిగారని ఆయన ప్రశ్నించారు. బీఆర్​ఎస్​(BRS), బీజేపీ(BJP) ఒక్కటేనని చెప్పి పార్టీ శ్రేణులను గందరగోళానికి గురి చేయాలని చూస్తున్నారన్నారు. తెలంగాణలో బీజేపీ ఒంటరిగా బలపడుతోందని, పొత్తులు, విలీనాలపై ఎలాంటి చర్చలు జరగలేదని స్పష్టం చేశారు.

Raghunandan Rao | ధైర్యముంటే ప్రెస్​మీట్ పెట్టండి

కవిత చిట్​చాట్​ పేరుతో వ్యాఖ్యలు చేయడాన్ని రఘునందన్​ ఖండించారు. ధైర్యం ఉంటే ప్రెస్​మీట్(Press Meet)​ పెట్టి అన్ని వివరాలు బయట పెట్టాలని సవాల్​ చేశారు. చిట్​చాట్​ల పేరుతో తమ పార్టీని వివాదాల్లోకి లాగొద్దని కోరారు. ‘‘మీ సొంత పంచాయితీలు మీరే తేల్చుకోండి.. మమ్మల్ని లాగొద్దు” అని ఆయన సూచించారు. హరీశ్​ రావు బీజేపీ కోవర్టు (Harish Rao BJP Covert) అయితే అప్పట్లో మంత్రివర్గం నుంచి ఎందుకు తొలగించలదేని ఆయన ప్రశ్నించారు.