అక్షరటుడే, నిజామాబాద్ సిటీ: Traffic signals | నగరంలో ట్రాఫిక్ సిగ్నల్స్ పనిచేయకపోవడం వల్ల ట్రాఫిక్స్ సమస్యలు వస్తున్నాయి. ముఖ్యమైన కూడళ్ల వద్ద సిగ్నల్స్ పనిచేయకపోవడంతో వాహనదారులు ఇబ్బంది పడుతున్నారు.
నగరంలోని ఐదు ప్రాంతాల్లో ఐదు ట్రాఫిక్ సిగ్నళ్లను ఏర్పాటు చేశారు. అందులో పూలాంగ్ చౌరస్తా (Poolang Chowrastha) వద్ద ఉన్న సిగ్నల్ కొన్నిరోజులుగా పనిచేయడం లేదు. దీంతో పోలీసులకు సైతం ట్రాఫిక్ నియంత్రణ కూడా కష్టమవుతోంది. దీంతో ప్రమాదాలు జరిగే అవకాశం ఉంది.
Traffic signals | రాకపోకలు ఇబ్బందులు..
నగరంలోని అత్యంత రద్దీ ప్రాంతమైన పూలాంగ్ వద్ద కొన్నిరోజులుగా ట్రాఫిక్ సిగ్నళ్లు పనిచేయడం లేదు. దీంతో కూడళ్లలో వాహనాల రాకపోకలు అస్తవ్యస్తంగా మారాయి. ట్రాఫిక్ నియంత్రణ లేకపోవడం వల్ల వాహనదారులు ఇష్టానుసారంగా వెళ్తున్నారు.
దీంతో ప్రమాదాలు జరిగే అవకాశాలున్నాయని ఆందోళన వ్యక్తమవుతోంది. హైదరాబాద్, కామారెడ్డి వైపు వెళ్లే వారు పూలాంగ్ చౌరస్తా మీదుగా వెళ్తుంటారు. బోధన్ (Bodhan), వర్ని, బాన్సువాడ, బాసర (Basara), భైంసా (Bainsa) వైపు వెళ్లే ఆర్టీసీ బస్సులు ఫులాంగ్ చౌరస్తా మీదుగానే వెళ్తుంటాయి.
Traffic signals | ఉదయం గజిబిజీగా వాహనాల రాకపోకలు..
పూలాంగ్ వద్ద సాంకేతిక లోపం తలెత్తడంతో సిగ్నల్స్ పనిచేయడం లేదు. ట్రాఫిక్ డిపార్ట్మెంట్ వెంటనే టెక్నీషియన్లను పిలిపించి సిగ్నళ్లను సరిచేయించాల్సి ఉండగా.. వారు పట్టించుకోవడం లేదని వాహనదారులు పేర్కొంటున్నారు. అలాగే ఉషా మయూరి థియేటర్ చౌరస్తా, వర్ని చౌరస్తాలో (Varni Chowrastha) ట్రాఫిక్ సమస్య తలెత్తుతోంది. ఈ ప్రాంతాల్లో ట్రాఫిక్ సిగ్నల్ లేకపోవడంతో ప్రయాణికులకు ఇబ్బందిగా మారింది. నగరంలో పెరిగిన ట్రాఫిక్, వాహనాల రద్దీకి అనుగుణంగా సిగ్నల్స్ను పెంచాల్సిన అవసరం ఎంతైనా ఉంది.
సిగ్నల్స్ పరికరాలు హైదరాబాద్ నుంచి రావాలి
– మస్తాన్ అలీ, ట్రాఫిక్ ఏసీపీ
పులాంగ్ చౌరస్తాలో ఉన్న ట్రాఫిక్ సిగ్నల్స్లో చిప్ ప్యానల్ బోర్డు పాడైపోయింది. సంబంధిత కాంట్రాక్టర్కు ఈ విషయం తెలియజేశాం. వారం రోజుల నుంచి ఈ సిగ్నల్స్ పనిచేయడం లేదు. సిగ్నల్స్కు సంబంధించిన కాంట్రాక్టర్, టెక్నీషియన్ అందుబాటులో ఉండడం లేదు. వీలైనంత తొందరగా సిగ్నల్స్ను రిపేరు చేయిస్తాం.
