అక్షరటుడే, వెబ్​డెస్క్: Religious Population | ప్రపంచ జనాభా రోజు రోజుకు పెరుగుతోంది. అయితే ఇందులో మతాల వారీగా చూస్తే ముస్లిం(Muslims)ల జనాభా వేగంగా పెరుగుతోంది. ప్రపంచంలో ఇస్లాం మతం వేగంగా విస్తరిస్తోందని ఓ నివేదిక వెల్లడించింది. పదేళ్లలో ముస్లింల జనాభా 347 మిలియన్లు పెరగడం గమనార్హం. ఇందులో హిందూ మతం నాలుగో స్థానంలో ఉంది. 2010 నుంచి 2020 వరకు ప్రపంచంలోని మతాల జనాభా ఆధారంగా ఈ నివేదిక రూపొందించారు.

Religious Population | 200 కోట్లకు చేరిన ముస్లింల జనాభా

ప్రపంచంలో ముస్లింల జనాభా 200 కోట్లకు చేరింది. 2010 నుంచి 2020 వరకు 347 మిలియన్లు పెరిగి 2 వందల కోట్లకు చేరింది. అధిక జనన రేటు దీనికి ప్రధాన కారణంగా నివేది తెలిపింది. 2060 నాటికి ఇస్లాం క్రైస్తవ(Christian) మతాన్ని అధిగమించే అవకాశం ఉందని అభిప్రాయ పడింది.

Religious Population | హిందువులు 14.9 శాతం

ప్రపంచ జనాభాలో హిందువులు 14.9 శాతం ఉన్నారు. హిందూ జనాభా(Hindu population) దాదాపు ప్రపంచ జనాభా వృద్ధి రేటుతోనే పెరిగింది. 2010 నుంచి 2020 వరకు 126 మిలియన్లు పెరిగి, 120 కోట్లకు చేరింది.

Religious Population | తగ్గుతున్న క్రైస్తవులు

ప్రస్తుతం ప్రపంచంలో ఎక్కువ మంది అనుసరిస్తున్న మతంలో క్రైస్తవం టాప్​లో ఉంది. ప్రస్తుతం 230 కోట్ల మంది క్రైస్తవులు(Christians) ఉన్నారు. అయితే కొంతకాలంగా క్రైస్తవ జనాభా వృద్ధి రేటు తగ్గుతోంది. మత మార్పిడులు, జనన రేట్లు తక్కువగా ఉండడంతో 2010 నుంచి 2020 వరకు 1.8 శాతం తగ్గింది. అలాగే ప్రపంచంలో ఏ మతాన్ని అనుసరించని వారి సంఖ్య క్రమంగా పెరుగుతోంది. ప్రపంచ జనాభాలో ఏ మతం అనుసరించని వారు మూడో స్థానంలో ఉన్నారు. మొదటి స్థానంలో క్రైస్తవం, రెండో స్థానంలో ఇస్లాం ఉన్నాయి.