అక్షరటుడే, కామారెడ్డి: Kamareddy | నెల రోజులు గడిచినా ధాన్యం తూకాలు వేయడం లేదని ఆరోపిస్తూ రైతులు(Farmers) రోడ్డెక్కాడు. ఈ మేరకు మాచారెడ్డి మండల కేంద్రంలో ఆందోళన నిర్వహించారు. ఈ సందర్భంగా రైతులు మాట్లాడుతూ.. కొనుగోలు కేంద్రం వద్ద నెల రోజులుగా తూకాలు(Weighing) వేయకపోవడం సరికాదన్నారు. అకాల వర్షాల కారణంగా నిల్వ ఉన్న ధాన్యం తడిసి రైతులకు నష్టం జరగకముందే ప్రభుత్వం(Government) వెంటనే కొనుగోలు చేయాలని డిమాండ్ చేశారు. అధికారులకు ఎన్నిసారు ఫోన్లు చేసినా పట్టించుకోవడం లేదని వాపోయారు. అధికారులు వచ్చి తూకాలు జరిగేలా చూస్తామని నచ్చజెప్పడంతో ఆందోళన విరమించారు.
