అక్షరటుడే, కోటగిరి: Ration cards | ఎన్నో ఎళ్లుగా కొత్త రేషన్​కార్డుల (Ration Cards) కోసం ఎదురుచూస్తున్న లబ్ధిదారుల కల సాకరమైందని పోతంగల్ (Pothangal)​ కాంగ్రెస్​ మండలాధ్యక్షుడు పుప్పాల శంకర్​ అన్నారు. పోతంగల్ మండలంలోని హంగర్గ ఫారం (Hungarga Farm) గ్రామంలో 112 మంది లబ్ధిదారులకు సోమవారం కొత్త రేషన్​కార్డులను పంపిణీ చేశారు.

ఈ సందర్భంగా ఆయన మాట్లాడుతూ కాంగ్రెస్​ ప్రభుత్వం అధికారంలోకి వచ్చినప్పటి నుంచి ఎన్నికల్లో ఇచ్చిన హామీలను నెరవేరుస్తూ వస్తోందన్నారు. చిత్తశుద్ధి ఉన్న ప్రభుత్వం కాబట్టే హామీల అమలులో నిర్లక్ష్యం చేయట్లేదని స్పష్టం చేశారు. బీఆర్​ఎస్​ పాలించిన పదేళ్లలో ఒక్క రేషన్​కార్డు కూడా ఇవ్వలేదని ఆయన పేర్కొన్నారు.

రేషన్​కార్డులు అందుకున్న లబ్ధిదారుల కళ్లల్లో ఆనందం కనిపిస్తోందని ఆయన పేర్కొన్నారు. సీఎం రేవంత్​రెడ్డి (CM Revanth Reddy) పాలనలో రాష్ట్రం సుభిక్షంగా ఉందని ఆయన వెల్లడించారు. కార్యక్రమంలో మాజీ సర్పంచ్ ఎజాజ్ ఖాన్, కాంగ్రెస్ గ్రామ అధ్యక్షుడు షేక్ సజ్జాత్, కాంగ్రెస్ నాయకులు దిలీప్ కుమార్, గ్రామ పెద్దలు షేక్ వలీవుద్దీన్​, బాపురావు, సూరారెడ్డి, డీలర్ శంషొద్దీన్​ శంషుద్దీన్, కిషన్, యూత్ నాయకులు ఫెరోజ్, నిసార్, పాషా, మజీద్ కమిటీ అధ్యక్షులు షేక్ మౌలానా, లబ్ధిదారులు తదితరులు పాల్గొన్నారు.