అక్షరటుడే, బాన్సువాడ: KTR | స్థానిక సంస్థల ఎన్నికల్లో (Local Body Elections) బీఆర్​ఎస్​ జెండా ఎగరాలని మాజీ మంత్రి, బీఆర్​ఎస్ (BRS)​ రాష్ట్ర అధ్యక్షుడు కేటీఆర్​ అన్నారు. మాజీ మంత్రి వేముల ప్రశాంత్ రెడ్డి ఆధ్వర్యంలో బీఆర్ఎస్ వర్కింగ్ ప్రెసిడెంట్ కేటీఆర్ సమక్షంలో కామారెడ్డి జిల్లా రైతుబంధు (Raithu bandhu) సమన్వయ సమితి మాజీ అధ్యక్షుడు డాక్టర్ దుద్దాల అంజిరెడ్డి బీఆర్​ఎస్​లో చేరారు.

KTR | పార్టీని బలోపేతం చేయాలి

ఈ సందర్భంగా కేటీఆర్​ మాట్లాడుతూ.. పార్టీని బలోపేతం చేసేందుకు కృషి చేయాలని సూచించారు. స్థానిక సంస్థల ఎన్నికల్లో భాగంగా కాంగ్రెస్​ ప్రభుత్వం వైఫల్యాలను ఎండగట్టాలని సూచించారు. బీఆర్​ఎస్​ హయాంలో రాష్ట్రంలో జరిగిన అభివృద్ధిని ప్రజలకు వివరించాలని ఆయన స్పష్టం చేశారు. బాన్సువాడ నియోజకవర్గంలో (Banswada Constituency) ఉన్న పరిస్థితులపై చర్చించారు. మాజీ మంత్రితో పాటు పార్టీ సీనియర్ నాయకులు షేక్ జుబేర్, మోచి గణేష్, చందర్ తదితరులున్నారు.