అక్షరటుడే, ఎల్లారెడ్డి: kamareddy | మేడ్చల్ జిల్లా (Medchal district) ఘట్కేసర్ మండలం పోచారం వద్ద గోరక్షక్ కార్యకర్తపై దాడిచేసిన వ్యక్తులను కఠినంగా శిక్షించాలని కామారెడ్డి జిల్లా గోరక్షక్ ప్రముఖ్ తులసీదాస్ డిమాండ్ చేశారు. ఈ మేరకు గురువారం విలేకరులతో మాట్లాడారు. సోను అలియాస్ ప్రశాంత్‌పై గన్‌తో కాల్పులు జరిపిన నిందితుడు ఇబ్రహీంపై రాష్ట్ర ప్రభుత్వం కఠిన చర్యలు తీసుకోవాలని కోరారు.
ఈ ఘటనను తీవ్రంగా ఖండిస్తున్నామని, రాష్ట్రవ్యాప్తంగా గోవుల తరలింపు, గోవధకు పాల్పడుతున్న గూండాలపై తక్షణచర్యలు తీసుకోవాలని ప్రభుత్వాన్ని డిమాండ్ చేశారు. హైదరాబాద్‌లో (Hyderabad) మాత్రమే కాకుండా, వివిధ జిల్లా, మండలాల్లో అక్రమంగా గోవులను తరలిస్తూ గోవధకు పాల్పడుతున్న ఇటువంటి గూండాలు అనేకమంది తయారవుతున్నారన్నారు. ఇలాంటి వారిపై రాష్ట్ర ప్రభుత్వం తక్షణ చర్యలు తీసుకోవాలని డిమాండ్ చేశారు. మేడ్చల్ సంఘటనలో నిందితుడిపై కఠిన చర్యలు తీసుకోకపోతే రాష్ట్రవ్యాప్తంగా పెద్ద ఎత్తున నిరసన కార్యక్రమాలు చేపడతామని హెచ్చరించారు.
