అక్షరటుడే, వెబ్డెస్క్ : TGSPDCL WhatsApp Services | మారుతున్న కాలానికి అనుగుణంగా ప్రభుత్వ శాఖలు సైతం అప్డేట్ అవుతున్నాయి. ఇప్పటికే పలు ప్రభుత్వ శాఖలు వాట్సాప్లో సేవలు అందిస్తుండగా.. తాజాగా ఆ జాబితాలో విద్యుత్ శాఖ (Electricity Department) చేరింది.
విద్యుత్ వినియోగదారులు ఫోన్ల ద్వారా కీలక సేవలను తక్షణమే పొందేందుకు వీలుగా సదరన్ పవర్ డిస్ట్రిబ్యూషన్ కంపెనీ ఆఫ్ తెలంగాణ లిమిటెడ్ (TGSPDCL) WhatsApp చాట్బాట్ను ప్రారంభించింది. డిజిటల్ గవర్నెన్స్లో భాగంగా విద్యుత్ సేవలను మరింత సమర్థవంతంగా అందుబాటులోకి తీసుకురావడానికి ఈ చర్యలు చేపట్టింది. వినియోగదారులు 8712441912 నంబర్ను సేవ్ చేసి, WhatsAppలో “హాయ్” అని మెసేజ్ పంపడం ద్వారా విద్యుత్ సేవలను పొందవచ్చు.
TGSPDCL WhatsApp Services | ఈ సేవలు పొందవచ్చు
వాట్సాప్ ద్వారా వినియోగదారులు విద్యుత్ ఫిర్యాదులను నమోదు చేయవచ్చు. బిల్లింగ్ (Billing) వివరాలను తనిఖీ చేసుకోవచ్చు. విద్యుత్ సరఫరా స్థితిపై అప్డేట్లు తెలుసుకోవచ్చు. వేగంగా సమస్యలను పరిష్కరించడం, కస్టమర్ కేర్ సెంటర్లకు భౌతిక సందర్శనలు, దీర్ఘకాలిక కాల్ల అవసరాన్ని తగ్గించడానికి దీనిని తయారు చేశారు. వాట్సాప్ ఆధారిత ప్లాట్ఫామ్ వినియోగదారులు ఎప్పుడైనా, ఎక్కడి నుండైనా విద్యుత్ సంబంధిత సమాచారాన్ని పొందవచ్చు.
