అక్షరటుడే, వెబ్డెస్క్‌ : TET Schedule | రాష్ట్రంలో టీచర్ ఎలిజిబిలిటీ టెస్ట్ (TET) షెడ్యూల్ వెలువడింది. ఈ మేరకు టీజీ టెట్ -2026 షెడ్యూల్ విడుదల చేస్తున్నట్లు విద్యాశాఖ ప్రకటించింది. దీనికి సంబంధించిన నోటిఫికేషన్ శుక్రవారం విద్యాశాఖ అధికారులు విడుదల చేయనున్నారు.
ఈ నెల 15 నుంచి 29 వరకు అభ్యర్థులు ఆన్లైన్లో దరఖాస్తులు చేసుకోవచ్చు. 2026 జ‌న‌వ‌రి 3వ తేదీ నుంచి 31వ తేదీ వరకు టెట్ పరీక్షలు జరుగుతాయి. సీబీటీ విధానంలో పరీక్షలు నిర్వహించనున్నారు. కాగా రాష్ట్రంలో కాంగ్రెస్ అధికారంలోకి వచ్చాక ఏడాదికి రెండు సార్లు టెట్ నిర్వహించాలని నిర్ణయించింది. గత డిసెంబర్లో టెట్ పరీక్షను నిర్వహించింది. జూన్లో మరోసారి పరీక్షలు పెట్టింది. తాజాగా మరోసారి షెడ్యూల్ విడుదల చేసింది. ఈ మేరకు టీజీ టెట్ ఛైర్పర్సన్ నవీన్ నికోలస్ ఉత్తర్వులు జారీ చేశారు.
