అక్షరటుడే, వెబ్​డెస్క్ : Film Chamber | హైదరాబాద్​ నగరంలోని తెలుగు ఫిలిం చాంబర్​ (Telugu Film Chamber) వద్ద మంగళవారం ఉద్రిక్తత చోటు చేసుకుంది. పలువురు తెలంగాణ వాదులు ఛాంబర్​లోనికి చొచ్చుకు వెళ్లడానికి యత్నించారు. ఆంధ్రా గో బ్యాక్​ అంటూ నినాదాలు చేశారు.

తెలంగాణ నటుల (Telangana actors) ఇండస్ట్రీలో వివక్ష చూపుతున్నారని సీనియర్ జర్నలిస్ట్ పాశం యాదరిగి, పలువురు తెలంగాణ వాదులు ఆందోళన చేపట్టారు. ఛాంబర్​లోని నిర్మాత మండలిలోకి చొచ్చుకు వెళ్లేందుకు యత్నించారు. ఈ క్రమంలో ఫిలి ఛాంబర్​ సెక్రెటరీతో (Film Chamber Secretary) వారు వాగ్వాదం చేశారు. ఆఫీసులో తెలంగాణకు చెందిన పైడి జయరాజు ఫొటో చిన్నదిగా పెట్టారని, సినారె ఫొటో పెట్టలేదని ఆందోళన చేశారు. ఈ క్రమంలో తీవ్ర ఉద్రిక్తత చోటు చేసుకుంది. సమాచారం అందుకున్న పోలీసులు ఘటనా స్థలానికి చేరుకున్నారు. ఇరువర్గాల వారిని సముదాయించడంతో గొడవ సద్దుమణిగింది.

ఈ సందర్భగంగా పైడి జయరాజ్​ మాట్లాడుతూ.. తెలంగాణ వాళ్ల ఫొటోలు చిన్నవిగా పెట్టారన్నారు. ప్రశ్నిస్తే తమను లాగి పారేశారని ఆగ్రహం వ్యక్తం చేశారు. ఇండస్ట్రీలో కులతత్వం, ప్రాంతీయ తత్వం ఉందని ఆయన ఆరోపించారు.