21
అక్షరటుడే, డిచ్పల్లి: Degree Exam Schedule| తెలంగాణ విశ్వవిద్యాలయం (Telangana University) పరిధిలో డిగ్రీ పరీక్షలు ఈనెల 16 నుంచి ప్రారంభం కానున్నాయని పరీక్షల నియంత్రణ అధికారి సంపత్ కుమార్ తెలిపారు. రెగ్యులర్ రెండు, నాలుగు, ఆరో సెమిస్టర్లతో పాటు బ్యాక్లాగ్ (2020 నుండి 2024 బ్యాచ్) ఫస్ట్, థర్డ్, ఐదో సెమిస్టర్ పరీక్షలు జరుగనున్నాయని వివరించారు. జిల్లావ్యాప్తంగా 24,500 మంది విద్యార్థులు, 32 పరీక్ష కేంద్రాల్లో పరీక్షలకు హాజరు కానున్నట్లు చెప్పారు. పూర్తి వివరాలు వర్సిటీ వెబ్సైట్లో (University website) పొందుపర్చినట్లు పేర్కొన్నారు.
